NewsMovieEntertainment

ഓണം ആഘോഷമാക്കാൻ മലയാള സിനിമ ഒരുങ്ങി

ഓണം ആഘോഷമാക്കാൻ മലയാള സിനിമ ഒരുങ്ങി. സൂപ്പർ സ്റ്റാർ മോഹന്‍ലാലിന്‍റെ ഒപ്പത്തിനോടൊപ്പം ഓണം റിലീസ് ആയി എത്തുന്നത് മറ്റ് 4 ചിത്രങ്ങൾ.

റംസാന് ബിഗ് റിലീസൊന്നും മലയാള സിനിമ സമ്മാനിച്ചില്ലെങ്കിലും ഇരട്ടി മധുരവുമായാണ് ഓണം എത്തുന്നത്. സൂപ്പർ സ്റ്റാർ മോഹന്‍ലാലിന്‍റെ ഒപ്പം, വെൽകം ടു സെന്‍ട്രൽ ജയിൽ, ഊഴം, കൊച്ചൗവ്വ പൗലോ അയപ്പ കൌലോ, ഒരു മുത്തശ്ശി ഗദ എന്നിവയാണ് ഓണം റിലീസ് ചിത്രങ്ങൾ.

ഗീതാഞ്ജലിക്കുശേഷം പ്രിയദർശൻ മോഹൻലാൽ കൂട്ടുകെട്ടിൽ ഒരുങ്ങുന്ന ചിത്രമാണ് ഒപ്പം. ഒരു ക്രൈം ഇന്‍വസ്റ്റിഗേഷൻ ത്രില്ലറായ ചിത്രത്തിൽ വിമലാ രാമനാണ് നായിക.

ദിലീപ് ചിത്രങ്ങളുടെ ചേരുവകളെല്ലാം ചേർത്താണ് വെൽകം ടു സെന്‍ട്രൽ ജയിൽ ഓണത്തിനെത്തുന്നത്. കുബേരന് ശേഷം സുന്ദർദാസ്-ദിലീപ് കൂട്ടുകെട്ടിൽ ഒരുങ്ങുന്ന മുഴുനീള കോമഡി ചിത്രം കൂടിയാണിത്. വേദികയാണ് നായിക.

മെമ്മറീസ് നേടിയ വിജയം ഊഴത്തിലൂടെ ആവർത്തിക്കാനൊരുങ്ങുകയാണ് പൃഥ്വിരാജും ജിത്തുജോസഫും. പ്രതികാര കഥ പറയുന്ന ചിത്രം ആരാധകർ ഏറെ പ്രതീകളുണർത്തുന്ന ചിത്രമാണ്.

മുപ്പത് വർഷത്തിന് ശേഷം ഉദയ പിക്ടേഴ്സ് നിർമ്മിക്കുന്ന കുഞ്ചാകോ ബോബന്‍റെ കൊച്ചൗവ്വ പൗലോ അയപ്പ കൌലോയും, നായിക നായകന്മാരെയെല്ലാം മാറ്റിനിർത്തി ജൂഡ് ആന്‍റണി ജോസഫ് സംവിധാനം ചെയ്യുന്ന മുത്തശ്ശി ഗദയും ഓണം ആഘോഷമാക്കാനെത്തും.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close