NewsMovie

സിനിമാസമരം: നിലവിൽ പ്രദർശിപ്പിക്കുന്ന ചിത്രങ്ങൾ പിൻവലിക്കില്ല

തിരുവനന്തപുരം: സിനിമാസമരത്തേത്തുടർന്ന് നിലവിൽ പ്രദർശിപ്പിച്ചു കൊണ്ടിരിക്കുന്ന ചിത്രങ്ങൾ തീയറ്ററുകളിൽ നിന്നും പിൻവലിക്കില്ലെന്ന് ചലച്ചിത്രനിർമ്മാതാക്കൾ അറിയിച്ചു. വിഷയത്തിൽ അന്തിമ തീരുമാനം തിങ്കളാഴ്ച്ചയുണ്ടാകും.

നിലവിൽ പ്രദർശിപ്പിച്ചു കൊണ്ടിരിക്കുന്ന ചലച്ചിത്രങ്ങൾ പിൻവലിക്കുന്നത് അന്യഭാഷാചിത്രങ്ങളെ സഹായിച്ചേക്കാമെന്നതിനാലാണ് ഈ തീരുമാനമെന്നാണ് വിവരം. സമരം ശക്തമായതോടെ തീയറ്റർ ഉടമകൾക്കെതിരേ കടുത്ത നിലപാടുകൾ സ്വീകരിക്കുന്നതിന്റെ ഭാഗമായാണ് ക്രിസ്തുമസിന് ചിത്രങ്ങൾ റിലീസ് ചെയ്യേണ്ടെന്ന തീരുമാനത്തോടൊപ്പം നിലവിൽ പ്രദർശിപ്പിച്ചു കൊണ്ടിരിക്കുന്ന ചിത്രങ്ങൾ പിൻവലിക്കാനും നേരത്തേ തീരുമാനമായത്. എന്നാൽ ആ തീരുമാനം പിൻവലിക്കുമെന്നാണ് പുതുതായി ലഭിക്കുന്ന വിവരം.

ഇപ്പൊഴും നിറഞ്ഞ സദസ്സുകളിൽ പ്രദർശനം തുടരുന്ന മോഹൻലാലിന്റെ പുലിമുരുകൻ, കട്ടപ്പനയിലെ ഋത്വിക് റോഷൻ എന്നീ സിനിമകളും പിൻവലിക്കുമെന്ന് അറിയിപ്പുണ്ടായിരുന്നു.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close