NewsMovieEntertainment

എന്നെ ചീത്ത വിളിച്ചോളൂ; അതൊന്നും എന്നെ ബാധിക്കുന്ന പ്രശ്നമല്ല; മോഹൻലാൽ

ബ്ലോഗെഴുതിയതിന് തന്നെ വിമർശിച്ചവർക്ക് മറുപടിയുമായി മോഹൻലാലിന്റെ പുതിയ ബ്ലോഗ്.  തനിക്ക് രാഷ്ട്രീയ ചായ് വുകളില്ലെന്നും താൻ നടുവിലാണ് നിൽക്കുന്നതെന്നും വിയറ്റ് നാമിലെ ഭിക്ഷുവിന്റെ വഴികൾ എന്ന് പേരിട്ടിരിക്കുന്ന പുതിയ ബ്ലോഗിൽ ലാൽ പറയുന്നു.

ബുദ്ധസന്ന്യാസിയായ തിച്ച് നാത് ഹാനിനെ കൂട്ടുപിടിച്ചാണ് ലാല്‍ വിമർശകർക്ക് മറുപടി നൽകിയിരിക്കുന്നത്.

ഞാൻ ബ്ലോഗ് എഴുതാൻ തുടങ്ങിയതിൽ പിന്നെ പല വിഷയങ്ങളിലും അഭിപ്രായം പറഞ്ഞിട്ടുണ്ട്. അവയെല്ലാം ഞാൻ എന്ന മനുഷ്യൻ മധ്യത്തിൽ നിന്നുകൊണ്ടാണ് എഴുതിയത്. ഞാൻ എന്നും എങ്ങോട്ടും ചായ് വുകളില്ലാതെ നടുവിലാണ് നിൽക്കുന്നത്. എന്നാൽ പലരും അത് പല രീതിയിലാണ് എടുത്തത്. ഓരോരുത്തരും അവർക്കാവശ്യമായ രീതിയിൽ അതിനെ വ്യാഖ്യാനിച്ചു.

ചിലർ എന്നെ അഭിനന്ദിക്കുന്നു, എന്നോട് കലഹിക്കുന്നു, എന്നെ ചീത്ത വിളിക്കുന്നു, എന്നാൽ ഞാൻ എന്റെ ഉള്ളകത്തിൽ ഒരു കാറ്റിലും ഇളകാതെ ഉറച്ച് നിൽക്കുന്നു. അതുകൊണ്ട് ഇതൊന്നും എന്നെ ബാധിക്കില്ല. എല്ലാം ശാന്തമായി കടന്നു പോകും.

പരിശീലിച്ചാൽ ആർക്കും ബുദ്ധനാകാമെന്നും ബുദ്ധൻ എന്നത് വ്യക്തിയല്ല മറിച്ച് അവസ്ഥയാണെന്നും ബുദ്ധാവസ്ഥയിലേക്ക് ഉയരണമെങ്കിൽ പക്ഷമോ മറുപക്ഷമോ ഇല്ലാതെ മധ്യപാതയിൽ നിൽക്കണമെന്നും അപ്പോൾ മുൻവിധികളില്ലാതെ അഭിപ്രായങ്ങൾ വിളിച്ച് പറയാൻ സാധിക്കുമെന്നും പറഞ്ഞാണ് ലാൽ തന്റെ ബ്ലോഗ് അവസാനിപ്പിച്ചിരിക്കുന്നത്.

എല്ലാ മാസവും ഇരുപത്തി ഒന്നാം തീയതിയാണ് ആനുകാലിക വിഷയങ്ങളിൽ തന്റെ നിലപാടുകൾ വ്യക്തമാക്കിക്കൊണ്ട് മോഹൻലാൽ ബ്ലോഗ് എഴുതുന്നത്. നോട്ട് നിരോധനത്തെ അനുകൂലിച്ചുകൊണ്ടുള്ള ലാലിന്റെ ബ്ലോഗിലെ ചില ഭാഗങ്ങൾ മാത്രമെടുത്ത് ചിലർ വിവാദമാക്കിയിരുന്നു.

പുതിയ ബ്ലോഗിന്റെ ഓഡിയോ

6K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close