NewsMovieEntertainment

ലെജന്‍ഡ് ഓഫ് കേരള പുരസ്‌കാരം മോഹന്‍ലാല്‍ ഏറ്റുവാങ്ങി

കോട്ടയം: പ്രഥമ ജന്മഭൂമി ലെജന്‍ഡ് ഓഫ് കേരള പുരസ്‌കാരം നടന്‍ മോഹന്‍ലാല്‍ ഏറ്റുവാങ്ങി. കോട്ടയത്ത് നടന്ന ചടങ്ങില്‍ ജന്മഭൂമി ചലച്ചിത്ര പുരസ്‌കാരങ്ങളും വിതരണം ചെയ്തു. മികച്ച നടന്‍ മോഹന്‍ലാലും നടി മഞ്ജു വാര്യരും പുരസ്‌കാരം ഏറ്റുവാങ്ങി.

അക്ഷരനഗരിയെ ഇളക്കിമറിച്ച പുരസ്‌കാരരാവില്‍ പ്രഥമ ജന്മഭൂമി ലെജന്‍ഡ് ഓഫ് കേരള പുരസ്‌കാരം ജസ്റ്റിസ് കെ ടി തോമസിന്റെ കയ്യില്‍നിന്നും നടന്‍ മോഹന്‍ലാല്‍ ഏറ്റുവാങ്ങി. ജന്മഭൂമിയുടെ നാല്‍പ്പത്തിയൊന്നാം വാര്‍ഷികാഘോഷങ്ങളുടെ ഭാഗമായാണ് പുരസ്‌കാരദാന ചടങ്ങ് സംഘടിപ്പിച്ചത്. ജന്മഭൂമി ചലച്ചിത്ര പുരസ്‌കാരങ്ങളും വിതരണം ചെയ്തു. മികച്ച നടീനടന്‍മാര്‍ക്കുള്ള പുരസ്‌കാരങ്ങള്‍ മോഹന്‍ലാലും മഞ്ജു വാര്യരും ഏറ്റുവാങ്ങി.

മികച്ച സംവിധായകനുള്ള പുരസ്‌കാരം ദിലീഷ് പോത്തനും, മികച്ച ചിത്രത്തിനുള്ള പുരസ്‌കാരം കമ്മട്ടിപ്പാടവും സ്വന്തമാക്കി. താരസാന്നിധ്യംകൊണ്ട് സമ്പന്നമായി പുരസ്‌കാരരാവിന് ചടുലമായ നൃത്തച്ചുവടുകകളും, സംഗീതവും കൊഴുപ്പേകി.

ചലച്ചിത്ര രംഗത്തെ സമഗ്ര സംഭാവനയ്ക്ക് നിര്‍മ്മാതാവ് സുരേഷ്‌കുമാറിനെ ചടങ്ങില്‍ ആദരിച്ചു. സേവനപ്രവര്‍ത്തനങ്ങളുടെ ഭാഗമായുള്ള ജന്മഭൂമി സേവയുടെ ലോഗോ പ്രകാശനം മോഹന്‍ലാല്‍ നിര്‍വ്വഹിച്ചു.

ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍, രാഷ്ട്രീയ സ്വയംസേവകസംഘം പ്രാന്ത സംഘചാലക് പിഇബി മേനോന്‍ തുടങ്ങിയവര്‍ പുരസ്‌കാരദാന ചടങ്ങില്‍ പങ്കെടുത്തു.

4K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close