Special

ഐഎസ് ഭീകരനെ കൊല്ലാൻ ബുള്ളറ്റ് സഞ്ചരിച്ചത് 3.4 കിലോമീറ്റർ : റെക്കോഡിട്ടു കനേഡിയൻ സ്നൈപ്പർ

മൊസുൾ : ഐഎസ് ഭീകരനെ വധിക്കാൻ കനേഡിയൻ സ്നൈപ്പർ ഷൂട്ട് ചെയ്ത വെടിയുണ്ട സഞ്ചരിച്ചത് 3450 മീറ്റർ ( 3.45 കിലോമീറ്റർ ) ലക്ഷ്യം ഭേദിച്ച് ഭീകരനെ വധിച്ചതോടെ സ്നൈപ്പർക്ക് ലഭിച്ചത് ലോക റെക്കോഡ്. പത്ത് സെക്കൻഡ് കൊണ്ടാണ് ബുള്ളറ്റ് ലക്ഷ്യം ഭേദിച്ചത് .

കാനഡയുടെ ജോഇന്റ് ടാസ്ക് ഫോഴ്സ് 2 വിലെ അംഗമായ സൈനികനാണ് റെക്കോഡിനർഹനായത് . സുരക്ഷ മുൻനിർത്തി സൈനികന്റെ പേരു പുറത്ത് വിട്ടിട്ടില്ല. കഴിഞ്ഞ മാസമാണ് സംഭവമെന്ന് ചില അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തു.

മക്മില്ലൻ ടാക് 50 സ്നൈപ്പറാണ് സൈനികൻ ഉപയോഗിച്ചത്. ഇത്രയും ദൂരം വെടിയുണ്ട സഞ്ചരിച്ച് ലക്ഷ്യം ഭേദിക്കണമെങ്കിൽ അസാധാരണമായ കഴിവ് തന്നെ ആവശ്യമുണ്ട് . കാറ്റിന്റെ ഗതിയും മറ്റ് സാഹചര്യങ്ങളും ഒക്കെ കണക്കിലെടുത്തു വേണം ഷൂട്ട് ചെയ്യാൻ .

ബ്രിട്ടീഷ് ആർമിയിലെ കോർപ്പറൽ ക്രെയിഗ് ഹാരിസണായിരുന്നു ഇതുവരെ ഒന്നാം സ്ഥാനത്തുണ്ടായിരുന്നത് . 2009 നവംബറിൽ അഫ്ഹാനിൽ താലിബാനെതിരെയായിരുന്നു ഹാരിസണിന്റെ എണ്ണം പറഞ്ഞ ഷൂട്ട്. 2,475 മീറ്റർ ആയിരുന്നു അന്ന് വെടിയുണ്ട താണ്ടിയ ദൂരം.

മക് മില്ലൻ ടാക് 50 സ്നൈപ്പർ നേരത്തെയും റെക്കോഡ് ബുക്കിൽ ഇടം പിടിച്ചിട്ടുണ്ട് . നിലവിൽ മൂന്നും നാലും സ്ഥാനങ്ങളിൽ ഉള്ളവർ ഉപയോഗിച്ച സ്നൈപ്പർ ഗണ്ണും മക് മില്ലനാണ് . ഇരുവരും കനേഡിയൻ സൈനികരുമാണ് .

5K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close