മലയാള സിനിമയുടെ ഭരതന് ഇഫക്ട് മറഞ്ഞിട്ട് ഇന്നേക്ക് 19 വര്ഷം. 1946 നവംബര് 14ന് വടക്കാഞ്ചേരി എണക്കാട് ചാലിശ്ശേരി പരമേശ്വരന് നായരുടേയും കാര്ത്ത്യായനിയമ്മയുടേയും മൂന്നാമത്തെ പുത്രനായാണ് ഭരതന്റെ ജനനം.
പത്മരാജന്റെ തിരക്കഥയില് സംവിധാനം ചെയ്ത ‘പ്രയാണ’ത്തിലൂടെയാണ് ഭരതന് ചലച്ചിത്രലോകത്തിലേക്ക് കടന്നുവരുന്നത്. പത്മരാജന്റെ പ്രണയകാവ്യത്തിന് ഭരതന് ചലച്ചിത്ര ഭാഷ്യം ഒരുക്കിയപ്പോള് പിറന്നത് ചരിത്രമാണ്.
തന്റെ അമ്പത്തിരണ്ടു വര്ഷജീവിതത്തിനിടയില് അന്പതു സിനിമകളാണ് ഭരതന് സംവിധാനം ചെയ്തത്. എല്ലാ സിനിമകളും ഒരുപോലെ മലയാളി പ്രേക്ഷകള് മനസ്സിലിട്ട് താലോലിക്കുന്നവ. 38 എണ്ണം മലയാളത്തിലും തമിഴില് 7 എണ്ണം, തെലുങ്കില് 3, കന്നടയിലും ഹിന്ദിയിലും ഓരോന്നു വീതം.
തീക്ഷണമായ പ്രണയവും സ്ത്രീ പുരുഷ ബന്ധങ്ങളിലെ സങ്കീര്ണ്ണതകളും കുടുംബവും എല്ലാം ഭരതന് സിനിമകളുടെ പശ്ചാത്തലമായി. അവയില് ചാമരം, തകര, മര്മ്മരം, ആലോലം, കാറ്റത്തെ കിളിക്കൂട്,പാഥേയം, താഴ്വാരം, രതിനിര്വേദം, അമരം, നിദ്ര, ചാട്ട എന്നിങ്ങനെ മലയാളത്തിന്റെ ക്ലാസിക് എന്നുതന്നെ പറയാവുന്ന ചിത്രങ്ങള്. ഒരുപക്ഷേ ഇന്നും മലയാളി പ്രേക്ഷകന് തങ്ങള്ക്കിഷ്ടപ്പെട്ടതെന്ന് പറയുന്നവയില് ഭരതന് ആവിഷ്ക്കരിച്ച ചിത്രങ്ങളുണ്ടാകും.
എം.ടി.യുടെ തൂലികയില് വിടര്ന്ന വൈശാലിയും, താഴ്വാരവും പ്രേക്ഷകര് ആഘോഷിക്കപ്പെട്ട ഭരതന് ചിത്രങ്ങളാണ്. പറങ്കിമല, പാളങ്ങള്, മര്മ്മരം, കാതോട് കാതോരം, ഒരു മിന്നാമിനുങ്ങിന്റെ നുറുങ്ങുവട്ടം, നീലക്കുറുഞ്ഞി പൂത്തപ്പോള്, മാളൂട്ടി, ചമയം എന്നിങ്ങനെ എല്ലാ സിനിമകളിലും പ്രേക്ഷകനെ പിടിച്ചിരുത്തിയ ഒരു ഭരതന് ഇഫക്ട് ഉണ്ടായിരുന്നു.
ഒടുവില് പറയാന് ഒരുപാട് കഥകള് ബാക്കിവെച്ച് 1998 ജൂലായ് 30ന് ഭരതന് സിനിമാലോകത്തോട് മാത്രമല്ല, ഈ ലോകത്തോടുതന്നെ യാത്രപറഞ്ഞുപോവുകയും ചെയ്തു.
നടീനടന്മാരുടെ പെരുമാറ്റങ്ങളിലും ക്യാമറയിലും പരിസരാന്തരീക്ഷത്തിലും നിറങ്ങളിലുമൊക്കെ സൂക്ഷ്മത പുലര്ത്തിയ ഭരതന് സിനിമകള് ഇന്ത്യന് സിനിമാലോകത്തിലെ മുന്നിരശില്പങ്ങള് തന്നെയാണ്.
