NewsMovieEntertainment

രാമലീല നാളെയെത്തും

നിരവധി തവണ റിലീസ് മാറ്റിവച്ച ദിലീപ് ചിത്രം രാമലീല നാളെ തിയേറ്ററുകളിലെത്തും. ചിത്രത്തിലെ നായകനായ ദിലീപ് അറസ്റ്റിലായതിനെ തുടർന്നായിരുന്നു രാമലീലയുടെ റിലീസ് പലതവണ മാറ്റിവച്ചത്.

നവാഗതനായ അരുൺ ഗോപി സംവിധാനം ചെയ്യുന്ന ചിത്രം മുളകുപാടം ഫിലിംസിന്റെ ബാനറിൽ ടോമിച്ചൻ മുലകുപാടമാണ് നിർമ്മിച്ചിരിക്കുന്നത്. സച്ചിയാണ് ചിത്രത്തിന്റെ തിരക്കഥ എഴുതിയിരിക്കുന്നത്. പ്രയാഗ മാര്‍ട്ടിന്‍ ആണ് നായിക.

രാമനുണ്ണി എന്ന ചെറുപ്പക്കാരനായ രാഷ്ട്രീയ നേതാവായാണ് ദിലീപെത്തുന്നത്. രാഷ്ട്രീയമാണ് ചിത്രത്തിന്റെ പ്രധാന പശ്ചാത്തലം. രാമനുണ്ണിയുടെ രാഷ്ട്രീയ ജീവിതവും കുടുംബജീവിതവും കോര്‍ത്തിണക്കിയുള്ള സംഭവങ്ങളാണ് ഈ ചിത്രത്തിലൂടെ അവതരിപ്പിക്കുന്നത്.

മുകേഷ്, സിദ്ദിഖ്, സായ്കുമാര്‍, വിജയരാഘവന്‍, സുരേഷ് കൃഷ്ണ, സാദിഖ്, ഷാജു, ലെന, ജെയിംസ് പാറയ്ക്കല്‍ തുടങ്ങിയ താരങ്ങൾ ചിത്രത്തിൽ പ്രധാന വേഷങ്ങളിലെത്തുന്നു.

ഹരിനാരായണന്റെ വരികൾക്ക് ഈണം പകർന്നിരിക്കുന്നത് ഗോപിസുന്ദറാണ്. ഷാജി കുമാറാണ് ഛായാഗ്രാഹകന്‍.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close