ജീവനൊടുക്കാൻ കാരണം ഡിവൈഎഫ്ഐ നേതാവ് ; ആത്മഹത്യ ചെയ്ത വിദ്യാർത്ഥിയുടെ വീഡിയോ പുറത്ത്

പാലക്കാട് : ഡിവൈഎഫ്ഐ നേതാവിന്റെ ഭീഷണിയെ തുടർന്ന് പാലക്കാട് പട്ടാമ്പിയിൽ വിദ്യാർത്ഥി ആത്മഹത്യ ചെയ്തു .

ജീവനൊടുക്കുന്നതിന് കാരണം ഡിവൈഎഫ്ഐ നേതാവാണെന്ന് വെളിപ്പെടുത്തുന്ന വീഡിയോ സോഷ്യൽ മീഡിയയിലൂടെ പങ്കു വച്ച ശേഷമായിരുന്നു വിദ്യാർത്ഥിയുടെ ആത്മഹത്യ.

പട്ടാമ്പി മരുതൂർ മലയിൽ ജനാർദ്ദനൻ രമണി ദമ്പതികളുടെ മകനായ ശ്രീജിത്താണ് ഡിവൈഎഫ്ഐ മരുതൂർ നേതാവിന്റെ പീഡനം ഭയന്ന് ആത്മഹത്യ ചെയ്തത്.ഡിസംബർ 4 നാണ് ശ്രീജിത്ത് വീഡിയോ പകർത്തിയിരിക്കുന്നത്.

പലിശക്ക് പണം നൽകിയത് തിരിച്ച് നൽകാത്തതിനാൽ ഡിവൈഎഫ്ഐ യുടെ മരുതൂർ നേതാവ് ഉമ്മർ തന്നെയും കുടുംബത്തെയും ഭീഷണിപ്പെടുത്തുന്നുവെന്നും, ദേഹോപദ്രവം ഏൽപ്പിക്കുന്നുവെന്നും ഇത് സഹിക്കാൻ കഴിയാത്തതിനാലാണ് താൻ ആത്മഹത്യ ചെയ്യുന്നതെന്നും ശ്രീജിത്ത് വീഡിയോയിൽ പറയുന്നുണ്ട്.

ജീവിക്കാൻ കഴിയാത്ത അവസ്ഥയാണുള്ളതെന്നും,മാതാപിതാക്കളെ ഉപേക്ഷിച്ച് മരിക്കുന്നതിൽ സങ്കടമുണ്ടെന്നും ശ്രീജിത്ത് വീഡിയോയിൽ പറയുന്നു.

https://www.youtube.com/watch?v=hE_w98dGJLk&feature=youtu.be