Movie

മതവികാരം വ്രണപ്പെടുത്തിയെന്ന പരാതി; തരംഗമായ പാട്ട് പിൻവലിക്കുമെന്ന് ഒമർ ലുലു

നവമാദ്ധ്യമങ്ങളിൽ തരംഗമായ ഒരു അഡാർ ലവ് എന്ന ചിത്രത്തിലെ മാണിക്യമലരായ പൂവി എന്ന ഗാനം പിൻവലിക്കുമെന്ന് സംവിധായകൻ ഒമർ ലുലു. മതവികാരം വ്രണപ്പെടുത്തിയെന്ന പരാതിയെ തുടർന്നാണ് പാട്ട് പിൻവലിക്കുന്നത്. പാട്ട് യൂട്യൂബിൽ നിന്ന് നീക്കം ചെയ്യുമെന്നും ഒമർ പറഞ്ഞു.

നേരത്തെ മതവികാരം വ്രണപ്പെടുത്തുന്നുവെന്ന പരാതിയിൽ ഒമർ ലുലുവിനെതിരെ പൊലീസ് കേസെടുത്തിരുന്നു.

ഹൈദരാബാദിലെ ഫലാക്നുമ പൊലീസ് സ്റ്റേഷനിലാണ് മതവികാരം വ്രണപ്പെടുത്തിയെന്ന് ആരോപിച്ച് ഒരു സംഘം പരാതി നൽകിയത്. പ്രിയ പ്രകാശ് വാര്യർ തകർത്തഭിനയിച്ച മാണിക്യ മലരായ പൂവി എന്ന് തുടങ്ങുന്ന പാട്ടിനെതിരെയാണ് പരാതി.

പാട്ടിലെ വരികൾ മുസ്ളിങ്ങളുടെ മതവികാരം വ്രണപ്പെടുത്തുന്നുവെന്നായിരുന്നു പരാതി. അസദുദ്ദീൻ ഒവൈസി വിഷയത്തിൽ ഇടപെടണമെന്നും യുവാക്കൾ ആവശ്യപ്പെട്ടിട്ടുണ്ട്.

ഫെബ്രുവരി 9 നായിരുന്നു പാട്ട് പുറത്തിറക്കിയത്. ദിവസങ്ങൾക്കുള്ളിൽ പാട്ട് സൂപ്പർ ഹിറ്റാവുകയും ചെയ്തു. യൂട്യൂബിൽ ഒന്നരക്കോടിയിൽ അധികം ആളുകൾ കാണുകയും ചെയ്തു.

പാട്ടിലെ നായികയായ പ്രിയക്ക് ഇൻസ്റ്റാഗ്രാമിൽ ലക്ഷക്കണക്കിന് ഫോളോവേഴ്സും ഉണ്ടായി. പാട്ട് റിലീസാവുമ്പോൾ രണ്ടായിരം ഫോളോവേഴ്സ് ഉണ്ടായിരുന്നു പ്രിയ ചുരുങ്ങിയ ദിവസങ്ങൾക്കൊണ്ട് ഇൻസ്റ്റഗ്രാമിൽ മലയാളത്തിലെ സൂപ്പർ സ്റ്റാർ മോഹൻലാലിനെയും യുവതാരം ദുൽഖർ സൽമാനെയും പിന്തള്ളി.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close