ഗോഡ്‌കോസ്റ്റ് : കോമൺവെൽത്ത് ഗെയിംസിൽ ഇന്ത്യക്ക് ഇരുപത്തിയൊന്നാം സ്വർണം. പുരുഷവിഭാഗം ജാവലിൻ ത്രോയിൽ നീരജ് ചോപ്രയാണ് സ്വർണം നേടിയത്. ഫൈനലിൽ 86.47 മീറ്റർ ദൂരം എറിഞ്ഞാണ് നീരജ് സുവർണനേട്ടം കരസ്ഥമാക്കിയത്.
ആദ്യമായാണ് ജാവലിൻ ത്രോയിൽ ഇന്ത്യൻ താരം സ്വർണം നേടുന്നത്. നേരത്തെ സഞ്ജീവ് രാജ്പുട്ട് ഷൂട്ടിംഗിലും മേരികോമും ഗൗരവ് സോളങ്കിയും ബോക്സിംഗിലും സ്വർണം നേടിയിരുന്നു. നിലവിൽ 48 മെഡലുകളോടെ മൂന്നാം സ്ഥാനത്താണ് ഇന്ത്യ.
അതേസമയം വനിത ബാഡ്മിന്റണിലും ഇന്ത്യ സ്വർണം ഉറപ്പിച്ചു . ഇന്ത്യൻ താരങ്ങളായ പിവി സിന്ധുവും സൈന നേവാളുമാണ് വനിത സിംഗിൾസിൽ ഏറ്റുമുട്ടുന്നത്.
