പിറന്നാൾ ദിനത്തിൽ ക്രിക്കറ്റ് ഇതിഹാസം സച്ചിനെ ട്രോളി ക്രിക്കറ്റ് ഓസ്ട്രേലിയയുടെ ഔദ്യോഗിക വെബ്സൈറ്റായ ക്രിക്കറ്റ് ഡോട്ട് കോം.എയു.
മുൻ ഓസ്ട്രേലിയൻ ക്രിക്കറ്റ് താരം ഡാമിയൻ ഫ്ലെമിംഗും ഇന്നാണ് പിറന്നാൾ ആഘോഷിക്കുന്നത്.ഡാമിയന് ആശംസ നേർന്ന് പോസ്റ്റ് ചെയ്ത വീഡിയോയാണ് സച്ചിനെ ട്രോളിയതും,ഡാമിയനെ പുകഴ്ത്തിയതും.
ഫ്ലെമിംഗിന്റെ ബോളിൽ സച്ചിന്റെ വിക്കറ്റ് തെറിക്കുന്നതാണ് വീഡിയോയുടെ ഉള്ളടക്കം.ക്രിക്കറ്റെന്നാൽ സച്ചിനെന്ന് കരുതുന്ന ആരാധകർ അതോടെ ക്രിക്കറ്റ് ഓസ്ട്രേലിയക്കെതിരെ രൂക്ഷ വിമർശനങ്ങളുമായി രംഗത്തെത്തി.
ക്രിക്കറ്റിലെ ദൈവം സച്ചിൻ തന്നെയാണെന്നും, പകരം മറ്റൊരാളെ ഉയർത്തി കാട്ടാൻ കഴിയുമോ എന്ന ചോദ്യമാണ് സോഷ്യൽ മീഡിയയിലൂടെ ഓസ്ട്രേലിയൻ ക്രിക്കറ്റ് ലോകത്തെ തേടിയെത്തിയത്.
18 വര്ഷങ്ങള്ക്ക് മുമ്പ് 2000ല് പെര്ത്തില് നടന്ന കാള്ട്ടന് ആന്ഡ് യുണൈറ്റഡ് സീരിസിൽ ഫ്ലെമിംഗ് സച്ചിനെ ബൗള്ഡാക്കിയ വീഡിയോയാണ് ക്രിക്കറ്റ് ഓസ്ട്രേലിയ പങ്ക് വച്ചതെങ്കിൽ ഫ്ലെമിംഗിനെ തിരിച്ച് സച്ചിന് അടിച്ചു പറത്തുന്ന വീഡിയോ ഇട്ടാണ് ഇന്ത്യൻ ആരാധകര് മറുപടി നല്കുന്നത്.
പന്ത് ചുരണ്ടൽ വിവാദം ചൂണ്ടികാട്ടി എത്ര വിലക്ക് കിട്ടിയാലും ഓസ്ട്രേലിയന് ക്രിക്കറ്റ് നന്നാകില്ലെന്നാണ് ചിലര് വിമര്ശിക്കുന്നത്.
സച്ചിനെ അറിയില്ലെന്ന് പറഞ്ഞ ടെന്നീസ് താരം മരിയ ഷറപ്പോവക്ക് നൽകിയ മറുപടികളും ചിലർ ചൂണ്ടിക്കാട്ടുന്നുണ്ട്.
Some @bowlologist gold from the man himself – happy birthday, Damien Fleming! pic.twitter.com/YcoYA8GNOD
— cricket.com.au (@cricketcomau) April 24, 2018