ഹൈദരാബാദ്: ഐ.പി.എല്ലില് ഇന്ന് നടക്കുന്ന മത്സരത്തില് കിംഗ്സ് ഇലവന് പഞ്ചാബ്, സണ്റൈസേഴ്സ് ഹൈദരാബാദിനെ നേരിടും. ഹൈദരാബാദില് രാത്രി എട്ടിനാണ് മത്സരം.
ആറ് മത്സരങ്ങളില് അഞ്ചും ജയിച്ച് പട്ടികയില് രണ്ടാം സ്ഥാനത്താണ് കിംഗ്സ് ഇലവന് പഞ്ചാബ്. ശക്തമായ ബാറ്റിംഗ് നിരയും ഭേദപ്പെട്ട ബൗളിംഗുമാണ് അവരുടെ കരുത്ത്. ഗെയിലിന്റെ പക്വതയോടെയുള്ള സമീപനം പഞ്ചാബിന് കൂടുതല് കരുത്താവും. എങ്കിലും പരിക്ക് ഭേദമായി ഗെയില് ഇന്ന് കളിക്കുമോ എന്ന് ഉറപ്പായിട്ടില്ല. ഇന്ന് ഗെയിലിന് കളിക്കാന് കഴിയില്ലെങ്കില് ആരോണ് ഫിഞ്ചായിരിക്കും രാഹുലിനൊപ്പം ഇന്നിംഗ്സ് ഓപ്പണ് ചെയ്യുക. ബൗളിംഗില് ആന്ഡ്രു ടൈയും മുജീബ് ഉര് റഹ്മാനും അശ്വിനും സ്രാണും മികവ് തുടരുന്നു.
മറുവശത്ത് ആറ് മത്സരങ്ങളില് നിന്നും നാല് ജയവുമായി മൂന്നാം സ്ഥാനത്താണ് സണ്റൈസേഴ്സ് ഹൈദരാബാദ്. ബൗളിംഗ് കരുത്തുറ്റതെങ്കിലും ബാറ്റിംഗിലെ ആഴമില്ലായ്മ അവര്ക്ക് പ്രശ്നം സൃഷ്ടിക്കുന്നുണ്ട്. പലപ്പോഴും ശിഖര് ധവാനിലും കെയിന് വില്യംസണിലും മാത്രമായി അവരുടെ പ്രതീക്ഷ ഒതുങ്ങിപ്പോകുന്നു. മനീഷ് പാണ്ഡേയ്ക്കും സ്ഥിരത പുലര്ത്താനോ സ്കോറിംഗിന് വേഗം ഉയര്ത്താനോ കഴിയുന്നില്ല. യൂസഫ് പഠാനും കൂടുതല് ശ്രദ്ധിക്കേണ്ടിയിരിക്കുന്നു. എങ്കില് മികച്ചൊരു മത്സരം ഉറപ്പായും കാണാം.