ന്യൂഡൽഹി ; ഇന്ത്യൻ പ്രീമിയർ ലീഗിലൂടെ ക്രിക്കറ്റ് പ്രേമികളുടെ ആരാധന പാത്രമായി മാറിയ താരമാണ് ബേസിൽ തമ്പി
മികച്ച പ്രകടനത്തോടെ പതിനൊന്നാം എഡിഷൻ ഐപിഎല്ലിന് തുടക്കം കുറിച്ച ബേസിൽ ഇതിന് ശേഷം ദേശീയ മാദ്ധ്യമത്തിനു നൽകിയ അഭിമുഖത്തിൽ ക്രീസിലും,ജീവിതത്തിലും തനിക്ക് ധൈര്യമായി നിൽക്കുന്ന ക്രിക്കറ്റ് താരം ശ്രീശാന്താണെന്ന് തുറന്നു പറഞ്ഞിരിക്കുന്നു.
‘തന്റെ മനസ് തളർന്നിരിക്കുമ്പോളും നന്നായി കളിക്കാൻ കഴിയാതെ വരുമ്പോളും ശ്രീ ഭായോട് സംസാരിക്കാറുണ്ടെന്നും അപ്പോൾ അദ്ദേഹം നൽകുന്ന ഉപദേശങ്ങളാണ് അപ്പോഴൊക്കെ തനിക്ക് കരുത്ത് പകരുന്നതെന്നും ബേസിൽ പറഞ്ഞു‘.
എന്തെങ്കിലും സംശയങ്ങൾ വരുമ്പോഴും ശ്രീ ഭായിയെയാണ് വിളിക്കുക, എന്താണ് പ്രശനമെങ്കിലും അതിന് കൃത്യമായ പരിഹാരം നിർദ്ദേശിക്കാൻ അദ്ദേഹത്തിന് കഴിയാറുണ്ട്. തന്നെ ഏറെ പ്രചോദിപ്പിച്ച താരമാണ് ശ്രീശാന്തെന്നും അദ്ദേഹം പറഞ്ഞു.
ഇന്ത്യൻ ദേശീയ ടീം സെലക്ടറായ എ.എസ്.കെ പ്രസാദ് കഠിനമായി പരിശീലനം നടത്തണമെന്ന് നിർദേശിച്ച് മെസേജ് അയച്ചിരുന്നുവെന്നും, അടുത്ത് തന്നെ ഇന്ത്യൻ ടീമിൽ അരങ്ങേറ്റം കുറിക്കാൻ കഴിയുമെന്നാണ് പ്രതീക്ഷയെന്നും ബേസിൽ തമ്പി അഭിമുഖത്തിൽ വ്യക്തമാക്കി.