ഡല്ഹി: ഐ.പി.എല്ലിലെ ഇന്നത്തെ മത്സരം കൊല്ക്കത്ത നൈറ്റ് റൈഡേഴ്സും ഡല്ഹി ഡെയര്ഡെവിള്സും തമ്മില്. പോയിന്റ് പട്ടികയില് ഏറ്റവും പിന്നിലുള്ള ഡല്ഹിക്ക്, നാലാം സ്ഥാനക്കാരായ കൊല്ക്കത്ത കരുത്തരായ എതിരാളികളാണ്. രാത്രി എട്ടിന് ഡല്ഹിയിലാണ് മത്സരം.
ഈ സീസണില് കളിച്ച ആറ് മത്സരങ്ങളില് അഞ്ചും തോറ്റ് ഏറ്റവും പിന്നിലാണ് ഡല്ഹി ഡെയര്ഡെവിള്സ്. ഇതോടെ തോല്വികളുടെ ഉത്തരവാദിത്വം ഏറ്റെടുത്ത് ഗൗതം ഗംഭീര് ക്യാപറ്റന് സ്ഥാനമൊഴിഞ്ഞിരുന്നു. ശ്രേയസ്സ് അയ്യരാണ് പുതിയ ക്യാപ്റ്റന്.
ആറ് മത്സരങ്ങളില് മൂന്നെണ്ണം ജയിച്ച് ആറ് പോയിന്റുമായി നാലാം സ്ഥാനത്താണ് കൊല്ക്കത്ത. റോയല് ചലഞ്ചേഴ്സ് ബാംഗ്ളൂരിനെതിരെ ജയത്തോടെ തുടങ്ങിയെങ്കിലും പിന്നീട് മൂന്ന് മത്സരങ്ങളില് തോല്വിയായിരുന്നു ഫലം. എങ്കിലും സുനില് നരേനും ക്രിസ് ലിന്നും നിതീഷ് റാണയും ക്യാപ്റ്റന് ദിനേശ് കാര്ത്തിക്കും പുലര്ത്തുന്ന മികവ് ആശാവഹമാണ്. മിച്ചല് ജോണ്സനും കുല്ദീപ് യാദവും പീയൂഷ് ചൗളയും സുനില് നരേനും നിതീഷ് റാണയും ഉള്പ്പെട്ട ബൗളിംഗ് നിര മോശമല്ലാത്ത തരത്തിലാണ് പന്തെറിയുന്നത്.
ടീമുകളുടെ ഇതുവരെയുള്ള പ്രകടനം വിലയിരുത്തിയാല് കൊല്ക്കത്തക്ക് തന്നെയാണ് മുന്തൂക്കം. മത്സരം ഡല്ഹിയിലായതിനാല് ഇരു ടീമും സ്പിന്നര്മാര്ക്ക് പ്രധാന്യം നല്കിയുള്ള സമീപനമായിരിക്കും സ്വീകരിക്കുക.