ഇന്ഡോര്: ഐ.പി.എല്ലില് ഇന്ന് കിംഗ്സ് ഇലവന് പഞ്ചാബും റോയല് ചലഞ്ചേഴ്സ് ബാംഗ്ളൂരും ഏറ്റുമുട്ടും. ഇന്ന് ജയിക്കാനായാല് കിംഗ്സ് ഇലവന് പ്ലേ ഓഫ് സാധ്യത ശക്തമാക്കാം. ഇന്ഡോറില് രാത്രി എട്ടിനാണ് മത്സരം.
ഐ.പി.എല്ലില് ഈ സീസണില് മികച്ച തുടക്കം നേടിയെങ്കിലും രണ്ടാം പകുതിയില് അത്ര മെച്ചമല്ല കിംഗ്സ് ഇലവന് പഞ്ചാബിന്റെ പ്രകടനം. ഒടുവില് കളിച്ച അഞ്ച് മത്സരങ്ങളില് ഒന്നു മാത്രമാണ് അവര്ക്ക് ജയിക്കാനായത്. ബാറ്റിംഗ് മികവില് 11 മത്സരങ്ങളില് ആറെണ്ണം ജയിച്ച അവര്ക്കിപ്പോള് 12 പോയിന്റുണ്ട്. ശേഷിക്കുന്ന മൂന്നില് രണ്ട് മത്സരമെങ്കിലും ജയിച്ച് പ്ളേ ഓഫ് ഉറപ്പിക്കുകയാണ് ടീമിന്റെ ലക്ഷ്യം. ലോകേഷ് രാഹുലിന്റെ മികച്ച ഫോമിലാണ് ടീമിന്റെ പ്രതീക്ഷ. ക്രിസ് ഗെയില്, മായങ്ക് അഗര്വാള്, കരുണ്നായര്, ആരൊണ് ഫിഞ്ച് എന്നിവര് കൂടി മികവിലേക്കുയര്ന്നാല് പഞ്ചാബിനെ പിടിച്ചുകെട്ടുക പ്രയാസമായിരിക്കും.
മറുവശത്ത് 11 മത്സരങ്ങളില് നാലെണ്ണം ജയിച്ച റോയല് ചലഞ്ചേഴ്സ് ബാംഗ്ളൂര് സാങ്കേതികമായി പ്ളേ ഓഫ് സാധ്യത നിലനിര്ത്തിയിട്ടുണ്ടെങ്കിലും പ്രായോഗികമായി അത് സാധ്യമാണെന്ന് തോന്നുന്നില്ല. എങ്കിലും അഭിമാനത്തിനു വേണ്ടിയുള്ള പോരാട്ടമായിരിക്കും ഇനിയുള്ള ഓരോ മത്സരവും കോഹ്ലിക്കും കൂട്ടര്ക്കും. ഡിവില്ലിയേഴ്സിലും കോഹ്ലിയിലുമാണ് ടീമിന്റെ പ്രതീക്ഷ.
