Tech

ഏറ്റവും കൂടുതൽ വിറ്റഴിയുന്ന സ്മാർട്ട് ഫോൺ ഐഫോൺ X; റെഡ്മി മൂന്നാം സ്ഥാനത്ത്

ആഗോള തലത്തിൽ ഏറ്റവും കൂടുതൽ വിറ്റഴിയ്ക്കപ്പെടുന്ന സ്മാർട്ട് ഫോൺ ആപ്പിളിന്റെ ഐഫോൺ ടെൻ ആണെന്ന് റിപ്പോർട്ട്. ഐഎഎൻഎസ് റിപ്പോർട്ട് അനുസരിച്ച്  രണ്ടാം സ്ഥാനത്തുള്ളത് ആപ്പിളിന്റെ തന്നെ ഐഫോൺ 8 പ്ലസ് ആണ്. ചൈനീസ് സ്മാർട്ട് ഫോൺ നിർമ്മാതാക്കളായ ഷവോമിയുടെ റെഡ്മി 5എയാണ് വിൽപ്പനയുടെ കാര്യത്തിൽ മൂന്നാം സ്ഥാനത്തുള്ളത്.

മാർച്ച് മാസത്തിൽ ഏറ്റവുമധികം വിറ്റഴിക്കപ്പെട്ട സ്മാർട്ട് ഫോണും റെഡ്മി 5എ ആണ്. ഇത് ആദ്യമായാണ് ഷവോമി ഇങ്ങനെയൊരു നേട്ടം കൈവരിക്കുന്നത്.

2018 സാമ്പത്തിക വർഷത്തിന്റെ ആദ്യപാദത്തിൽ 3.4 ശതമാനം വിപണി മൂല്യവുമായി ഐഫോൺ ടെൻ മുന്നിട്ട് നിൽക്കുന്നു. ഐഫോൺ 8 പ്ലസിന്റെ വിപണി മൂല്യം 2.3 ശതമാനമാണ്. 1.8 ശതമാനം വിപണി മൂല്യമാണ് മൂന്നാം സ്ഥാനത്തുള്ള റെഡ്മിക്കുള്ളത്.

ഓപ്പോയുടെ എ83 ആണ് ആഗോളതലത്തിൽ നാലാം സ്ഥാനത്തുള്ളത്. അഞ്ച് ആറ് സ്ഥാനങ്ങളിൽ സാംസങ്ങിന്റെ എസ്9, എസ്9 പ്ലസ് എന്നീ ഫോണുകളാണുള്ളത്.

532 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close