അഞ്ജലി മേനോൻ സംവിധാനം നിർവഹിക്കുന്ന ‘കൂടെ’യിലെ ആദ്യ ഗാനം നസ്രിയ നസിമിന്റെ തിരിച്ചുവരവ് ആഘോഷമാക്കി ആരാധകർ. യൂട്യൂബിൽ റിലീസ് ചെയ്ത “ആരാരോ” എന്ന ഗാനം ഇതിനോടകം യൂട്യൂബിൽ തരംഗമായി കഴിഞ്ഞു. ഒരു ദിവസം കൊണ്ട് തന്നെ പാട്ടിന്റെ വ്യൂസ് 10 ലക്ഷം കടന്നു. റഫീഖ് അഹമ്മദിന്റെ വരികൾ രഖു ദീക്ഷിത് പ്രേക്ഷകരുടെ മനസിൽ കുളിരുകോരും വിധം ഹൃദയസ്പർശിയായാണ് ചിട്ടപ്പെടുത്തിയിരിക്കുന്നത്. ആൻ എമിടെ മധുരസ്വരം ഗാനത്തിന്റെ മാറ്റ് കൂട്ടുന്നു.
അഞ്ജലി മേനോൻ തിരക്കഥയൊരുക്കി സംവിധാനം നിർവഹിക്കുന്ന ‘കൂടെ’യിൽ നസ്രിയ നസിം, പൃഥ്വിരാജ് സുകുമാരൻ, പാർവതി എന്നിവരാണ് മുഖ്യ കഥാപാത്രങ്ങളെ അവതരിപ്പിക്കുന്നത്. റോഷൻ മാത്യു, സിദ്ധാർഥ് മേനോൻ, ദർശന രാജേന്ദ്രൻ, മാലാ പാർവതി, വിജയരാഘവൻ എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. ഛായാഗ്രഹണം ലിറ്റില് സ്വയമ്പും ചിത്രസംയോജനം പ്രവീൺ പ്രഭാകറും നിർവഹിച്ചിരിക്കുന്നു.
ജൂലൈയിൽ തീയേറ്ററുകളിൽ എത്തുന്ന ‘കൂടെ’ രജപുത്ര വിഷ്വൽ മീഡിയയുടെ ബാനറില് എം രഞ്ജിത്താണ് നിർമിച്ചിരിക്കുന്നത്.
