Kerala

റാങ്ക് പട്ടിക മറികടന്ന് ഷംസീർ എംഎൽഎയുടെ ഭാര്യക്ക് കണ്ണൂർ സർവകലാശാലയിൽ കരാർ നിയമനം

കണ്ണൂർ: റാങ്ക്പട്ടിക മറികടന്ന് സിപിഎം എംഎൽഎ എഎൻ ഷംസീറിന്‍റെ ഭാര്യക്ക് കണ്ണൂർ സർവകലാശാലയിൽ അസിസ്റ്‍റന്‍റ് പ്രൊഫസറായി കരാർ നിയമനം. ആദ്യറാങ്കുകാരിയെ ഒഴിവാക്കി നിയമനം നടത്തിയെന്നാണ് ആരോപണം. സംവരണാടിസ്ഥാനത്തിലാണ് നിയമനം എന്നാണ് സർവകലാശാലയുടെ വിശദീകരണമെങ്കിലും പൊതുനിയമനത്തിനു വേണ്ടിയാണ് സർവകലാശാല വിജ്ഞാപനമിറക്കിയത്.

സർവകലാശാലക്ക് കീഴിലുള്ള ധർമ്മശാലയിലെ സ്കൂൾ ഓഫ് പെ‍ഡഗോഗിക്കൽ സയൻസിൽ, സയൻസ് എജുക്കേഷനിലേക്ക് കരാർ അടിസ്ഥാനത്തിലായിരുന്നു അസിസ്റ്റന്റ് പ്രഫസർമാരെ ക്ഷണിച്ചത്. അഭിമുഖത്തിന് എത്തിയത് എഎൻ ഷംസീർ എംഎൽഎയുടെ ഭാര്യയടക്കം നാലുപേരാണ്. ജൂൺ 8ന് ഇറക്കിയ വിജ്ഞാപനത്തിൽ നിയമനം സംവരണം മുഖേനെയാണെന്ന് പറഞ്ഞിരുന്നില്ല. എന്നാൽ അഭിമുഖത്തിന് ശേഷം സംവരണമാണെന്ന് പറഞ്ഞ് ഒന്നാം റാങ്കുകാരിയായ ബിന്ദുവിനെ ഒഴിവാക്കി എംഎൽഎയുടെ ഭാര്യക്ക് നിയമനം നൽകി എന്നാണ് ആരോപണം.

ഒബിസി മുസ്ലീം എന്ന കാറ്റഗറിയിൽ ഉൾപ്പെടുത്തിയാണ് ഷംസീറിന്റെ ഭാര്യയ്ക്ക് കരാർ അടിസ്ഥാനത്തിൽ അസി. പ്രഫസറുടെ നിയമനം നൽകിയിരിക്കുന്നത്. ചട്ടം മറികടന്നുള്ള നിയമനത്തിനെതിരെ കോടതിയെ സമീപിക്കാനൊരുങ്ങുകയാണ് അധ്യാപികയായ ബിന്ദു.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close