Tech

വ്യാജസന്ദേശങ്ങള്‍ക്ക് കടിഞ്ഞാണിടാന്‍ വാട്‌സ്ആപ്പ്; അഞ്ചില്‍ കൂടുതല്‍ പേര്‍ക്ക് ഇനി ഫോര്‍വേഡ് ചെയ്യാനാകില്ല

ന്യൂഡല്‍ഹി: വ്യാജവാര്‍ത്തകളും സന്ദേശങ്ങളും തടയുന്നതിനായി ഫെയ്‌സ്ബുക്കിന് പിന്നാലെ കടുത്ത നിയന്ത്രണങ്ങളുമായി വാട്‌സ്ആപ്പും. സന്ദേശങ്ങള്‍ കൂട്ടമായി ഫോര്‍വേഡ് ചെയ്യുന്നതിന് നിയന്ത്രണമേര്‍പ്പെടുത്തുകയാണ് ഇപ്പോള്‍ ചെയ്യുന്നത്. ഇന്ത്യയിലാണ് ഇത് പരീക്ഷണാടിസ്ഥാനത്തില്‍ ആദ്യമായി നടപ്പാക്കുന്നത്. നിയന്ത്രണം വരുന്നതോടെ ഒരേ സമയം അഞ്ചിലധികം പേര്‍ക്ക് സന്ദേശങ്ങള്‍ ഫോര്‍വേഡ് ചെയ്യാന്‍ സാധിക്കില്ല. ഇന്ന് മുതല്‍ നിയന്ത്രണം നടപ്പാക്കുമെന്ന് വാട്‌സ്ആപ്പ് ബ്ലോഗിലൂടെ വ്യക്തമാക്കിയിട്ടുണ്ട്.

മീഡിയ മെസേജിന് സമീപത്തെ ക്യുക് ഫോര്‍വേഡ് ബട്ടണും ഒഴിവാക്കും. വ്യാജ സന്ദേശങ്ങള്‍ പ്രചരിക്കുന്നത് തടയാന്‍ വാട്‌സ്ആപ്പ് അടിയന്തര നടപടി സ്വീകരിക്കണമെന്ന് കേന്ദ്രസര്‍ക്കാര്‍ അടുത്തിടെ ആവശ്യപ്പെട്ടിരുന്നു.

ഇന്ത്യയിലുള്ള ഉപഭോക്താക്കളാണ് മറ്റു രാജ്യത്തുള്ളവരെക്കാളും അധികം മെസേജുകളും ചിത്രങ്ങളും വീഡിയോകളും ഫോര്‍വേഡ് ചെയ്യുന്നത്.

വ്യാജവാര്‍ത്തകളും തെറ്റായ വിവരങ്ങളും നീക്കം ചെയ്യാനുള്ള നടപടികള്‍ സ്വീകരിക്കുമെന്ന് കഴിഞ്ഞ ദിവസം ഫെയ്‌സ്ബുക്കും വ്യക്തമാക്കിയിരുന്നു.

221 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close