തിരുവനന്തപുരം: മോട്ടോര് വാഹന നിയമ ഭേദഗതി പിന്വലിക്കണമെന്നാവശ്യപ്പെട്ട് ബിഎംഎസ് ഒഴികെയുള്ള തൊഴിലാളി യൂണിയനുകള് ആഹ്വാനം ചെയ്ത 24 മണിക്കൂര് പണിമുടക്ക് ആരംഭിച്ചു. മോട്ടോര് വ്യവസായ സംരക്ഷണസമിതി ദേശീയ കോ-ഓര്ഡിനേറ്റര് കമ്മിറ്റിയുടെ നേതൃത്വത്തില് നടക്കുന്ന പണിമുടക്കില് ഓട്ടോറിക്ഷ, ടാക്സി, സ്വകാര്യ ബസുകള്, ചരക്കു ലോറികള് എന്നിവ പങ്കെടുക്കും.
വാഹന പണിമുടക്കിനെ തുടര്ന്ന് വിവിധ സര്വകലാശാലകള് ഇന്ന് നടത്താനിരുന്ന പരീക്ഷകളും മാറ്റിവച്ചിട്ടുണ്ട്. കേരള, എംജി, കാലിക്കട്ട് സര്വകലാശാലകള് നടത്താനിരുന്ന പരീക്ഷകളാണ് മാറ്റിവച്ചത്.