Entertainment

കണ്ണീരണിയിച്ച് സോണാലി മകനയച്ച പിറന്നാൾ സന്ദേശം

മകന് പിറന്നാള്‍ ആശംസകള്‍ നല്‍കിക്കൊണ്ട് ബോളിവുഡ് നടി സൊണാലി ബേന്ദ്ര ഫേസ്ബുക്കിലിട്ട കുറിപ്പ് വൈറലാകുന്നു. സൊണാലിയുടെ മകന്‍ രണ്‍വീറിന്റെ 13ാം ജന്‍മദിനമാണിന്ന്. ക്യാന്‍സര്‍ ചികിത്സയുടെ ഭാഗമായി ന്യൂയോര്‍ക്കില്‍ താമസിക്കുന്ന സൊണാലി മകനൊപ്പമല്ല ഇപ്പോള്‍ ഉള്ളത്. ഇരുവരും ഒരുമിച്ചല്ലാത്ത ആദ്യ പിറന്നാളാണെന്നും, നിന്നെയോര്‍ത്ത് ഞാന്‍ ഏറെ അഭിമാനിക്കുന്നുവെന്നും സൊണാലി പറയുന്നു. കുറിപ്പിനൊപ്പം ഒരു വീഡിയോ ക്ലിപ്പും ഇവര്‍ പങ്കുവച്ചിട്ടുണ്ട്.

‘ രണ്‍വീര്‍… എന്റെ സൂര്യന്‍, എന്റെ ചന്ദ്രന്‍, എന്റെ നക്ഷത്രങ്ങള്‍, എന്റെ ആകാശം…. ഞാനല്‍പ്പം നാടകീയമായിപ്പോകുന്നു, പക്ഷേ നിന്റെ 13ാം ജന്‍മദിനത്തില്‍ നീയിതെല്ലാം അര്‍ഹിക്കുന്നു. നീയിപ്പോള്‍ ഒരു കൗമാരക്കാരനായിരിക്കുകയാണ്. ആ യാഥാര്‍ത്ഥ്യത്തോട് പൊരുത്തപ്പെടാന്‍ എനിക്ക് ഇനിയും കുറച്ച് സമയം വേണം. ഞാന്‍ നിന്നെയോര്‍ത്ത് എത്ര അഭിമാനിക്കുന്നുവെന്ന് എനിക്ക് പറഞ്ഞറിയിക്കാനാകില്ല. നിന്റെ തമാശകള്‍, നിന്റെ കഴിവുകള്‍, നിന്റെ വിനയം, നിന്റെ കൊച്ചു തെറ്റുകള്‍ പോലും….. പിറന്നാള്‍ ആശംസകള്‍……. എന്റെ അത്ര ചെറിയല്ലാത്ത മകനേ…. ഇതാദ്യമായാണ് നമ്മള്‍ ഒരുമിച്ചല്ലാതെ വരുന്നത്. നിന്നെ വല്ലാതെ മിസ് ചെയ്യുന്നു. എന്നും എപ്പോഴും .. ഒത്തിരി ഒത്തിരി ഇഷ്ടത്തോടെ…”

സൊണാലി പോസ്റ്റ് ചെയ്തിരിക്കുന്ന വീഡിയോയിലും ഇരുവരും ഒരുമിച്ചുള്ള നിമിഷങ്ങളാണ് കാണിക്കുന്നത്. ചെറുപ്പകാലം മുതല്‍ ഇപ്പോള്‍ വരെ ഇരുവരും ചേര്‍ന്നെടുത്ത ചിത്രങ്ങളാണ് വീഡിയോയിലുള്ളത്. ഈ ജൂലൈലാണ് താന്‍ ക്യാന്‍സര്‍ ബാധിതയാണെന്നും ചികിത്സ ആരംഭിക്കുകയാണെന്നുമെല്ലാം വെളിപ്പെടുത്തിയത്.

415 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close