Entertainment

കളക്ടര്‍ ബ്രോ വെള്ളിത്തിരയിലേക്ക്

ഇന്ത്യയില്‍ എല്ലായിടത്തും കളക്ടര്‍മാരെ സാര്‍ എന്ന് വിളിച്ചപ്പോള്‍ നമ്മള്‍ മലയാളികള്‍ ഒരാളെ ബ്രോ എന്ന് വിളിച്ചു. സ്വന്തം ജില്ലയുടെ കളക്ടറിന്റെ പേര് അറിഞ്ഞില്ലെങ്കിലും കോഴിക്കോട് കലക്ടറിന്റെ പേരും മുഖവും മലയാളിക്ക് ഏത് ഉറക്കത്തിലും സുപരിചിതമായിരുന്നു. നിയമത്തിന്റെ ചട്ടക്കൂടുകള്‍ക്ക് അകത്തു നില്‍ക്കാതെ, ചുവപ്പുനാടകള്‍ പൊട്ടിച്ചെറിഞ്ഞ, ജനപ്രതിനിധികളെക്കാള്‍ ജനങ്ങള്‍ നെഞ്ചേറ്റിയ കളക്ടര്‍ ബ്രോ പ്രശാന്ത് നായര്‍ ഐഎഎസ്.

കളക്ടര്‍ ബ്രോ വെള്ളിത്തിരയിലേക്ക് എത്തുകയാണ്. അജയ് ദേവലോക സംവിധാനം ചെയ്യുന്ന, കോറിഡോര്‍ 6ന്റെ “ഹൂ”വിലൂടെ ഡോ. സാമുവല്‍ എന്ന കഥാപാത്രമായാണ് ബ്രോയുടെ അഭിനയ ജീവിതം തുടങ്ങുന്നത്. മൂടല്‍ മഞ്ഞിനൊപ്പം രഹസ്യങ്ങളും ചൂഴ്ന്നു നില്‍ക്കുന്ന നിഗൂഢതകളുടെ താഴ്‌വര-മെര്‍ക്കാട. അവിടെയാണ് ഡോ.സാമുവേല്‍ ഉള്ളത്. സ്വപ്നങ്ങളും, യാഥാര്‍ഥ്യവും ഇഴകോര്‍ത്തു നില്‍ക്കുന്ന മെര്‍ക്കാടായിലെ രഹസ്യാന്വേഷകനായ സാമുവേല്‍.

സിനിമയിലെ പ്രധാന കഥാപാത്രമാണ് കളക്ടര്‍ ബ്രോ യുടെ ഡോ.സാമുവേല്‍. ഇന്‍സെപ്ക്ഷന്‍, മുല്‍ഹോളണ്ട് ഡ്രൈവ്, പോലെയുള്ള ചിത്രങ്ങളുടെ ഗണത്തില്‍ പെടുത്താവുന്ന ഡബ്ല്യുഎച്ച്ഒ, ഡോള്‍ബി അറ്റ്‌മോസ് ശബ്ദസംവിധാനത്തിലാണ് വരുന്നത്. 4കെ ക്വളിറ്റിയില്‍ ഒക്ടോബറില്‍ തീയറ്ററുകളില്‍ എത്തുന്ന ഈ ചിത്രം മലയാളസിനിമയുടെ അടുത്ത തലത്തിലേക്കുള്ള യാത്രയുടെ തുടക്കമായി വിലയിരുത്തുന്നു. ശ്രുതി മേനോന്‍, പേര്‍ളി മാണി, ഷൈന്‍ ടോം ചാക്കോ, രാജീവ് പിള്ള, തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.

289 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close