മുംബെ: പ്രമുഖ ഇലക്ടോണിക്സ് കമ്പനിയായ വിയു അവരുടെ ആദ്യത്തെ 100 ഇഞ്ച് ടെലിവിഷൻ അവതരിപ്പിച്ചു. 224 ഐ ഫോണുകളുടെ സ്ക്രീൻ വലിപ്പമുള്ള 100 ഇഞ്ച് പാനൽ, 2000 വാട്ട് ശബ്ദ വിന്യാസം, ഷാർപ്പായ 2.5 ബില്യൺ നിറങ്ങൾ തുടങ്ങിയ പ്രത്യേകതകൾ. ഇതുവരെ അനുഭവിച്ചിട്ടില്ലാത്ത ദൃശ്യ ശ്രവ്യ അനുഭവങ്ങൾ ഉപഭോക്താവിന് നൽകുമെന്ന് കമ്പനി അവകാശപ്പെടുന്നു.
കൂടാതെ ശബ്ദ നിർദ്ദേശങ്ങളിലൂടെ മാത്രം ഈ ടിവിയും വീട്ടിലെ മറ്റു ഗ്രഹോപകരണങ്ങളും പ്രവർത്തിപ്പിക്കാൻ കഴിയുമെന്ന പ്രത്യേകതയും ഈ അത്യാധുനിക ടെലിവിഷനുണ്ട്. വിയു 100 ഇഞ്ചിന്റെ വരവോടെ ക്രിക്കറ്റും, സിനിമയും, മറ്റ് ആഘോഷങ്ങളുമെല്ലാം പുത്തൻ അനുഭവമാകുമെന്ന് നിർമ്മാതാക്കൾ പറഞ്ഞു.
രാജ്യത്തെ 4 K ടെലിവിഷൻ വിൽപ്പനയിൽ 10 ലക്ഷം യൂണിറ്റുകൾ വിൽക്കുക എന്ന നാഴികക്കല്ല് വിയു ഇതിനകം പിന്നിട്ട് കഴിഞ്ഞു. മൂന്നു വർഷം മുൻപ് 95 കോടി രൂപയുടെ കമ്പനിയായിരുന്ന വിയു ഇപ്പോൾ എത്തി നിൽക്കുന്നത് 750 കോടി രൂപയുടെ വിറ്റ് വരവുള്ള കമ്പനി എന്ന നിലയിലാണ്. ഈ വർഷം 1200 കോടി രൂപയുടെ വിറ്റുവരവാണ് കമ്പനി ലക്ഷ്യമിടുന്നത്.