പോള് അലന് എന്ന പേരില് അറിയപ്പെടുന്ന പോള് ഗാര്ഡ്നര് അലന് 1955 യില് വാഷിങ്ങ്ടണിലെ സിയാറ്റിനില് ജനിച്ചു. പതിനാലാമത്തെ വയസ്സിലാണ് സ്കൂള് സുഹൃത്തായ 12 വയസ്സുള്ള ബില് ഗെയ്റ്റ്സിനെ കണ്ടു മുട്ടുന്നത്. ഒരു വര്ഷത്തിനകം 1975 യില് രണ്ടു പേരും ചേര്ന്ന് മൈക്രോസോഫ്റ്റ് എന്ന കംപ്യൂട്ടര് വിപ്ളവത്തിന് തുടക്കം കുറിച്ചു. 1980 ഓടെ എം എസ് ഡോസ് ഓപ്പറേറ്റിങ്ങ് സിസ്റ്റം പ്രചാരത്തിലായി തുടര്ന്ന് വിന്ഡോസും.
2000യിരത്തില് മൈക്രോസോഫ്റ്റില് നിന്നും രാജി വെച്ചെങ്കിലും ഇതിന്റെ ഷെയറുകള് ഇപ്പോഴും ഇദ്ദേഹത്തിനുണ്ട്. വുള്ക്കര് ഇങ്ക്, ചാര്ട്ടര് കമ്യൂണിക്കേഷന്സ് എന്നീ കമ്പനികളുടെ ചെയര്മാനുമാണിദ്ദേഹം. 2007യില് ഫോബ്സ് മാസിക പുറത്തിറക്കിയ ഏറ്റവും ധനികരുടെ പട്ടികയില് അഞ്ചാം സ്ഥാനത്തായിരുന്നു ഇപ്പോള് 46ാം സ്ഥാനവും.
ഒരു സംരംഭകന് എന്നതിലുപരി മനുഷ്യ സ്നേഹി എന്ന നിലയിലും പ്രശസ്തനായിരുന്നു അലന്. ബിസിനസ് രംഗത്ത് തന്റേതായ വ്യക്തി മുദ്ര പതിപ്പിച്ച ഇദ്ദേഹം ജീവകാരുണ്യ പ്രവര്ത്തനത്തിലും സജീവമായിരുന്നു.
വളരെ നാളായി നോണ് ഹോഡ്കിന്സ് ലിംഫോമ എന്ന കാന്സര് ബാധിതനായിരുന്നു. എങ്കിലും സജീവമായി ബിസിനസ് രംഗത്തുണ്ടായിരുന്നു.
ആധുനിക കംപ്യൂട്ടര് രംഗത്ത് വിപ്ളവം സൃഷ്ടിച്ച സംരംഭത്തിനു തുടക്കം കുറിച്ച ഇദ്ദേഹം ചുക്കാന് പിടിച്ച മറ്റു സംരഭങ്ങളും വിജയമായിരുന്നു.