WorldTech

ചുവന്ന ഗ്രഹത്തിന്റെ ഉള്‍രഹസ്യം കണ്ടെത്താന്‍ ഇന്‍സൈറ്റ് പറന്നിറങ്ങി

ന്യൂയോര്‍ക്ക്: ചൊവ്വയുടെ ഉള്‍രഹസ്യം തേടി വിക്ഷേപിച്ച നാസയുടെ പര്യവേഷണ പേടകമായ ‘ഇന്‍സൈറ്റ്’ ഗ്രഹത്തിന്റെ ഉപരിതലത്തില്‍ ഇറങ്ങി. ഇന്ത്യന്‍ സമയം ചൊവ്വാഴ്ച പുലര്‍ച്ചെയോടെയാണ് പേടകം ചൊവ്വയില്‍ തൊട്ടത്. 54.8 കോടി കിലോമീറ്റര്‍ ബഹിരാകാശത്ത് കൂടി സഞ്ചരിച്ചാണ് പേടകം തന്റെ ദൗത്യം വിജയകരമായി പൂര്‍ത്തിയാക്കിയത്. 360 കിലോഗ്രാം ഭാരമുള്ള ഇന്‍സൈറ്റ് പേടകം ഗ്രഹത്തിന്റെ മധ്യരേഖ പ്രദേശത്തെ എലൈസിയം പ്ലാനിറ്റിയ എന്ന സമതലത്തിലാണ് ഇറങ്ങിയത്. ഇന്‍സൈറ്റ് ലാന്‍ഡര്‍ പകര്‍ത്തിയ ആദ്യ ദൃശ്യം നാസക്ക് ലഭിക്കുകയും ചെയ്തു.

ചൊവ്വയുടെ ആന്തരിക ഘടനയെ കുറിച്ച് കൂടുതല്‍ കണ്ടെത്തുകയാണ് ഇന്‍സൈറ്റ് ലാന്‍ഡറിന്റെ ലക്ഷ്യം. ഭൂമിയില്‍ ഭൂകമ്പങ്ങള്‍ ഉണ്ടാകുന്നത് പോലെ ചൊവ്വ കുലുക്കങ്ങള്‍ ഉണ്ടാകുന്നുണ്ടെങ്കില്‍ അവയെപ്പറ്റി പഠിക്കാന്‍ ഒരു പ്രകമ്പന മാപിനിയും ഇന്‍സൈറ്റ് പ്രവര്‍ത്തനസജ്ജമാക്കും. ഇതിന് പുറമെ അഞ്ച് മീറ്റര്‍ വരെ ആഴത്തില്‍ കുഴിക്കാന്‍ ശേഷിയുള്ള ജര്‍മ്മന്‍ നിര്‍മിത ഡ്രില്ലും ഇന്‍സൈറ്റ് പ്രവര്‍ത്തിപ്പിക്കും.

മെയ് അഞ്ചിന് കാലിഫോര്‍ണിയയിലെ വാന്‍ഡര്‍ബര്‍ഗ് വ്യോമസേന താവളത്തില്‍ നിന്ന് അറ്റ്‌ലസ് 5 റോക്കറ്റിലാണ് ലാന്‍ഡര്‍ വിഭാഗത്തിലുള്ള ദൗത്യം വിക്ഷേപിച്ചത്.

370 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close