WorldTech

ചലഞ്ച് വീഡിയോകള്‍ക്കും പ്രാങ്ക് വീഡിയോകള്‍ക്കും വിലങ്ങിടാന്‍ യൂട്യൂബ്

ചലഞ്ച് വീഡിയോകളും പ്രാങ്ക് വീഡിയോകളും നിരോധിക്കാനൊരുങ്ങി യൂട്യൂബ്. ചലഞ്ചുകള്‍ എന്ന പേരില്‍ തുടങ്ങുന്ന തമാശ വീഡിയോകളില്‍ പലതും ആളുകളുടെ മരണത്തിനും ഗുരുതര പരിക്കുകള്‍ക്കും പലപ്പോഴും കാരണമാകുന്നു എന്ന നിരീക്ഷണത്തെ തുടര്‍ന്നാണ് യൂട്യൂബിന്റെ നീക്കം. നിലവില്‍ അപകടസാധ്യതയുള്ള ഉള്ളടക്കങ്ങള്‍ നിറഞ്ഞ വീഡിയോകള്‍ ഒഴിവാക്കാനുള്ള യൂട്യൂബിന്റെ ശ്രമങ്ങള്‍ ഫലപ്രദമാകുന്നില്ലെന്ന വിമര്‍ശനമുണ്ട്. അതേസമയം ഇത്തരത്തിലുള്ള വീഡിയോകള്‍ നീക്കം ചെയ്യാനുള്ള ശ്രമങ്ങള്‍ നടത്തുന്നുണ്ടെന്നാണ് യൂട്യൂബ് വ്യക്തമാക്കുന്നത്.

എന്നാല്‍ അപകടകരമായതേത് അല്ലാത്തതേത് എന്ന് നിര്‍ണയിക്കുന്നതിനുള്ള മാനദണ്ഡം എങ്ങനെ ആയിരിക്കണം എന്ന കാര്യത്തില്‍ വ്യക്തതയില്ല. പല ചലഞ്ച് വീഡിയോകള്‍ക്കും സമൂഹമാദ്ധ്യമങ്ങളില്‍ വലിയ സ്വീകാര്യത ലഭിച്ചിരുന്നു. കികി ചലഞ്ച്, കണ്ണ് കെട്ടി വണ്ടിയോടിക്കുന്ന ചലഞ്ച് എന്നിവ അവയില്‍ ചിലത് മാത്രമാണ്. അപകട സാധ്യതയുള്ളതും പരിക്കുകള്‍ പറ്റാനിടയുള്ളതുമായ പ്രവൃത്തികള്‍ ചിത്രീകരിക്കുന്ന വീഡിയോകളാകും വിലക്കുക എന്ന് യൂട്യൂബ് വ്യക്തമാക്കിയിട്ടുണ്ട്. അതേപോലെ കുട്ടികളെ മാനസികമായി വിഷമിപ്പിക്കുന്ന വീഡിയോകളും യൂട്യൂബ് ഇനി അനുവദിക്കില്ല.

280 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close