Kerala

ലോകസഭാ തെരഞ്ഞെടുപ്പ്; ക്രിമിനല്‍ പശ്ചാത്തലമുള്ളവരുടെ പട്ടിക പുതുക്കി പോലീസ്

തൃശൂര്‍: ലോകസഭാ തിരഞ്ഞെടുപ്പിന്റെ ഒരുക്കങ്ങളുടെ ഭാഗമായി ക്രിമിനല്‍, ഗുണ്ടാ പശ്ചാത്തലമുള്ളവരുടെ ലിസ്റ്റ് പുതുക്കാനുള്ള പോലീസിന്റെ നടപടികള്‍ ആരംഭിച്ചു. വിവിധ ക്രിമിനല്‍ കേസുകളില്‍ പ്രതികളായവരുടെ വിശദാംശങ്ങള്‍ ശേഖരിക്കുകയാണ് പോലീസ്. തിരഞ്ഞെടുപ്പ് സമയത്ത് അക്രമസംഭവങ്ങള്‍ തടയുന്നതിന് മുന്നോടിയായാണ് വിവിധ കേസുകളില്‍പെട്ടവരുടെ പട്ടിക തയ്യാറാക്കുന്നത്.

ഇതിന്റെ തുടക്കമെന്ന നിലയില്‍ തൃശൂര്‍ സിറ്റി പരിധിയില്‍ വരുന്ന 700 ഓളം വരുന്ന ഗുണ്ടകളുടെ പ്രാഥമിക പട്ടിക പോലീസ് തയ്യാറാക്കി. ഇതില്‍ രാഷ്ട്രീയബന്ധമുള്ള ഗുണ്ടകളുടേയും സജീവമായി ഗുണ്ടാ പ്രവര്‍ത്തനം തുടരുന്നവരുടേയും പട്ടിക തരംതിരിക്കും.

ഗുണ്ടാസംഘങ്ങളുടെ കേസുകളും മറ്റ് പശ്ചാത്തലങ്ങളും പരിശോധിച്ചശേഷം തുടര്‍ നടപടികള്‍ കൈക്കൊള്ളാന്‍ പോലീസ് മേധാവി സ്‌റ്റേഷനുകളില്‍ നിര്‍ദേശം നല്‍കി. ഗുണ്ടാസംഘങ്ങളുമായി ബന്ധപ്പെട്ട് പ്രവര്‍ത്തിക്കുന്നവരുടെ പേര് വിവരങ്ങളും ഫോണ്‍ നമ്പരുകളും വാഹനങ്ങളുടെ വിവരങ്ങളും പോലീസ് ശേഖരിക്കുന്നുണ്ട്.

343 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close