ന്യൂഡൽഹി: പണിമുടക്കി സാമൂഹിക മാദ്ധ്യമങ്ങൾ. ഫേസ്ബുക്ക്, വാട്ട്സ് ആപ്പ്, ഇൻസ്റ്റഗ്രാം തുടങ്ങിയ സാമൂഹിക മാദ്ധ്യമങ്ങളാണ് ബുധനാഴ്ച രാത്രിയോടെ പ്രവർത്തനം നിലച്ചത്. ഫേസ്ബുക്കിന്റെയും ഇൻസ്റ്റഗ്രാമിന്റെയുെ വെബ് വെർഷൻ ഒരു മണിക്കൂറിലേറെ പ്രവർത്തനരഹിതമായി. എന്നാൽ മൊബൈൽ വെർഷൻ പ്രവർത്തിച്ചിരുന്നുവെങ്കിലും പോസ്റ്റുകൾ ഇടാനോ കമന്റ് ചെയ്യാനോ മെസേജ് ചെയ്യാനോ ബുദ്ധിമുട്ട് നേരിട്ടിരുന്നു.
വാട്ട്സ്ആപ്പ് ഉടൻ തന്നെ തിരിച്ച് വന്നെങ്കിലും മറ്റുള്ളവ ഏറെ നേരെ പ്രവർത്തന രഹിതമായിരുന്നു. രാത്രി പത്ത് മണിയോടെയാണ് പ്രവർത്തന രഹിതമായത്. ഒരു മണിക്കൂറിലേറെ കഴിഞ്ഞിട്ടും ഭാഗീകമായി മാത്രമാണ് പ്രവർത്തന ക്ഷമമായത്.
Sorry, something went wrong. We’re working on getting this fixed as soon as we can. എന്ന മെസേജാണ് ഫേസ്ബുക്ക് ഉപഭോക്താക്കൾക്ക് ലഭിക്കുന്നത്. ലോഗിൻ ചെയ്യാൻ ശ്രമിക്കുമ്പോൾ Facebook will be back soon എന്ന തലക്കെട്ടോടുകൂടിയ മെസാജാണ് ഉപഭോക്താക്കൾക്ക് ലഭിക്കുന്നത്. Oops, an error occurred. എന്ന മെസേജാണ് ഇൻസ്റ്റഗ്രാമിന്റെ വെബ് വെർഷനിൽ വരുന്നത്.
പ്രശ്ന കാരണം സംബന്ധിച്ച് ഫേസ്ബുക്കിന്റെ ഔദ്യോഗിക പ്രതികരണം ഇതുവരെ ലഭ്യമായിട്ടില്ല.
