Tech

ഉപഭോക്താക്കളുടെ വിവരങ്ങൾ വിദേശത്തേയ്ക്ക് ; വണ്‍പ്ലസിനെതിരെ ഗുരുതര ആരോപണം

ഇന്ത്യന്‍ ഉപഭോക്താക്കളുടെ വിവരങ്ങള്‍ പ്രമുഖ സ്മാര്‍ട്ട് ഫോണ്‍ ബ്രാന്‍ഡായ വണ്‍പ്ലസ് വിദേശത്തേക്ക് അയയ്ക്കുന്നതായി ആരോപണം. വണ്‍പ്ലസ് 6, വണ്‍പ്ലസ് 6 ടി സ്മാര്‍ട്ട് ഫോണുകളില്‍ പുതിയതായി അവതരിപ്പിച്ച ഓപ്പണ്‍ ബീറ്റാ സോഫ്റ്റ് വെയറിലാണ് ഈ സുരക്ഷാ വീഴ്ച്ചയുള്ളതെന്നാണ് വണ്‍പ്ലസിന്റെ റെഡ്ഡിറ്റ് കൂട്ടായ്മയില്‍ ഉപഭോക്താക്കള്‍ പറയുന്നത്.

ടെന്‍സെന്റിന്റെ സഹായത്തോടെ ഇന്ത്യയിലെ വണ്‍പ്ലസ് 6 ഫോണുകളിലെ ഓക്‌സിജന്‍ ഓഎ ഓപ്പണ്‍ ബീറ്റാ 17 നിലെയും വണ്‍പ്ലസ് 6 ടി ഫോണിലെ ഓക്‌സിജന്‍ ഓപ്പണ്‍ബീറ്റാ 9 നിലെയും ഫയല്‍ മാനേജറില്‍ ചേര്‍ത്ത ഇന്റലിജന്‍സ് ക്ലീനപ്പ് ഫീച്ചര്‍ വഴിയാണ് ഉപഭോക്താക്കളുടെ വിവരങ്ങള്‍ വിദേശത്തേക്ക് അയക്കുന്നത് എന്നാണ് ഉപഭോക്താക്കള്‍ ആരോപിക്കുന്നത്.

ടെന്‍സെന്റിന്റെ ക്ലീന്‍ അപ്പ് ഫീച്ചര്‍ നിലവില്‍ ഇന്ത്യയില്‍ മാത്രമാണുള്ളത്. ഫയല്‍ മാനേജറില്‍ അപ്പ്‌ഡേറ്റ് ചെയ്ത ഉപഭോക്താക്കളുടെ വിവരങ്ങള്‍ ടെന്‍സെന്റിന്റെ സിംഗപ്പുരിലുള്ള സെര്‍വറിലേക്ക് അയക്കുമെന്നാണ് ആരോപണം. ഭാഷ, പ്രദേശം, ഹാര്‍ഡ് വെയര്‍ മോഡല്‍, ആപ്പ് ഉപയോഗ വിവരങ്ങള്‍ എന്നിവയെല്ലാം ഇങ്ങനെ അയക്കുന്നുണ്ടെന്നാണ് വിമര്‍ശനം.

125 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close