Special

അമ്മ എന്ന രണ്ടക്ഷരം സ്‌നേഹത്തിന്റെ പ്രതീകമാണ്; അമ്മക്കായ് നല്‍കാം ഒരു ദിവസം

ഇന്ന് മാതൃദിനം. ജീവിതത്തില്‍ കരുത്തും വെളിച്ചവുമായി നില്‍ക്കുന്ന അമ്മമാരോടുള്ള സ്നേഹവും ആദരവും പ്രകടിപ്പിക്കുന്ന ദിനമാണ് മാതൃദിനം. അമ്മയുടെ സ്നേഹത്തെ ഓര്‍ക്കാന്‍ പ്രത്യേകമായി ഒരു ദിവസത്തിന്റെ ആവശ്യമില്ലെങ്കിലും വര്‍ഷങ്ങളായി നമ്മള്‍ മാതൃദിനം ആചരിക്കാറുണ്ട്. മെയ് മാസത്തിലെ രണ്ടാമത്തെ ഞായറാഴ്ചയാണ് മാതൃദിനമായി ആഘോഷിക്കുന്നത്.

സ്നേഹത്തെയും ത്യാഗത്തെയും പൂര്‍ണമായും പ്രതിനിധാനം ചെയ്യുന്ന ഒരു വാക്ക് അതാണ് അമ്മ. അമ്മ എന്ന രണ്ടക്ഷരത്തില്‍ മുഴുവന്‍ നിറഞ്ഞിരിക്കുന്നത് സ്‌നേഹമാണ്. കുട്ടിക്കാലത്ത് നമ്മുടെ വാശികളും, വഴക്കുകളും എല്ലാം ഒരു പുഞ്ചിരിയോടെ അംഗീകരിച്ച്, നമ്മുടെ കാര്യങ്ങള്‍ക്കായി മറ്റെല്ലാ തിരക്കുകളും മാറ്റി വച്ച് ഊണും, ഉറക്കവും വരെ പലപ്പോഴും ഉപേക്ഷിച്ച് നമ്മുടെ വളര്‍ച്ചയുടെ ഓരോ നിമിഷത്തിലും നമുക്ക് താങ്ങും തണലുമായി നില്‍ക്കുന്ന ഒരാളാണ് നമ്മുടെ അമ്മ.

മാതാപിതാകള്‍ക്ക് വയസ്സ് കൂടുംതോറും മക്കളുടെ കൂടെ സമയം ചിലവിടാനുള്ള ആഗ്രഹം കൂടും. ഏതു കാലത്തും അവരെ ചേര്‍ത്തു നിര്‍ത്താന്‍ മക്കള്‍ക്കാകണം. മാതാപിതാക്കള്‍ ഭാരമാണെന്നു ചിന്തിക്കുന്ന ഒരു തലമുറ വളര്‍ന്നു വരുന്ന സാഹചര്യത്തിലാണ് ഇത്തരത്തിലുള്ള ദിനങ്ങള്‍ക്ക് പ്രസക്തിയേറുന്നത്. വൃദ്ധ സദനങ്ങളും അഗതി മന്ദിരങ്ങളുമല്ല, അവരുടെ അവസാന കാലത്ത് അവര്‍ ആഗ്രഹിക്കുന്നത്. മക്കളുടെ സാനിധ്യം മാത്രമാണ് അവര്‍ ആഗ്രഹിക്കുന്നത്. നമ്മളെ നമ്മളായി വളര്‍ത്തി വലുതാക്കിയ ശക്തിയാണ് അമ്മമാര്‍. അതുകൊണ്ടു തന്നെ മാതൃദിനത്തില്‍ മാത്രമല്ല എന്നും അമ്മമാര്‍ക്കൊപ്പം ഉണ്ടാകണം.

879 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close