വാട്സ് ആപ്പില് വോയ്സ് കോളുകളിലൂടെ ഫോണ് ഹാക്ക് ചെയ്യപ്പെടാന് സാധ്യതയുള്ളതായി റിപ്പോര്ട്ട്. വാട്ട്സ് ആപ്പ് എത്രയും വേഗം അപ്ഡേറ്റ് ചെയ്യണമെന്നാണ് ഔദ്യോഗികമായുള്ള മുന്നറിയിപ്പ്. വാട്സ് ആപ്പ് വോയ്സ് കോളിലൂടെ സൈബര് അക്രമികള്ക്ക് ഫോണിലേക്ക് നുഴഞ്ഞു കയറാനും ഫോണില് നിരീക്ഷണ സോഫ്റ്റ്വെയര് ഇന്സ്റ്റാള് ചെയ്യാന് സാധിക്കും.
എന്നാല് വോയ്സ് കോളിന്റെ വിവരങ്ങള് കോള് ലിസ്റ്റില് കാണാനും കഴിയില്ല. ഇസ്രായേലില് നിന്നുള്ള സോഫ്റ്റ്വെയര് സ്ഥാപനമായ എന്എസ്ഒ ആണ് ഇതിനു പിന്നിലെന്നാണ് റിപ്പോര്ട്ട്. നിലവിലെ വേര്ഷനുകളില് പ്രശ്നം പരിഹരിക്കാന് സാധിക്കാത്തതിനാലാണ് പുതിയ പതിപ്പ് അപ്ഡേറ്റ് ചെയ്യാന് വാട്സ് ആപ്പ് ഉപഭോക്താക്കളോട് ആവശ്യപ്പെട്ടത്. പ്രശ്നത്തെക്കുറിച്ച് കൂടുതല് പഠനങ്ങള് നടത്തി വരികയാണെന്നും എത്രയും വേഗം പ്രശ്നം പരിഹരിക്കുമെന്നും കമ്പനി അധികൃതര് അറിയിച്ചു.
