സാന്ഫ്രാന്സിസ്കോ: വ്യാജ അക്കൗണ്ടുകള് ഇല്ലാതാക്കാനുള്ള നടപടികള് ശക്തമാക്കി ഫേസ് ബുക്ക്. ആറ് മാസത്തിനിടെ ഫേസ് ബുക്ക് നീക്കം ചെയ്തത് 300 കോടിയില് അധികം വ്യാജ അക്കൗണ്ടുകളാണ്. ഉപയോക്താക്കളുടെ വിവരങ്ങള് വ്യാപകമായി ചോര്ത്തുന്നുവെന്ന് ആരോപണങ്ങള് ഉയര്ന്നതിനെ തുടര്ന്ന് ഫേസ് ബുക്കിനെതിരെ പ്രതിഷേധങ്ങളുയര്ന്നിരുന്നു. ഇതിന്റെ ഭാഗമായാണ് പുതിയ നീക്കം.
വര്ഗീയതയും വിദ്വേഷവും പ്രചരിപ്പിക്കുന്നതും അക്രമാസക്തമായ ഉള്ളടക്കമുള്ളതുമായ പോസ്റ്റുകളും ഫോട്ടോകളും തീവ്രവാദവുമായി ബന്ധപ്പെട്ട പോസ്റ്റുകളും ഫോട്ടോകളും പ്രചരിപ്പിച്ച അക്കൗണ്ടുകളുമാണ് ഫേസ് ബുക്ക് നീക്കം ചെയ്തിട്ടുള്ളത്.
അമേരിക്കന് സെനറ്റ് കമ്മറ്റിയില് സമര്പ്പിച്ച റിപ്പോര്ട്ടിലാണ് വ്യാജ അക്കൗണ്ടുകള് നീക്കം ചെയ്ത വിവരം ഫേസ് ബുക്ക് അറിയിച്ചത്.
തീവ്രവാദവുമായി ബന്ധപ്പെട്ടതും അക്രമവും വര്ഗീയത പ്രോത്സാഹിപ്പിക്കുന്നതുമായ പോസ്റ്റുകള്, ഫോട്ടോകള് എന്നിവ പ്രചരിപ്പിക്കുന്ന അക്കൗണ്ടുകള്ക്ക് എതിരെയുള്ള നടപടികള് ശക്തമായി തന്നെ മുന്നോട്ട് പോാകാനാണ് ഫേസ്ബുക്കിന്റെ തീരുമാനം.