കൊച്ചി: ആമസോണ് പ്രൈം വരിക്കാരുടെ എണ്ണത്തില് കേരളത്തില് വര്ധനവ്. കൊച്ചിക്കു പുറമേ മലപ്പുറം, പാലക്കാട്, കൊല്ലം എന്നിവിടങ്ങളിലും ഉപഭോക്താക്കളുടെ എണ്ണത്തില് വര്ധനവുണ്ടായിട്ടുണ്ട്. ഗൃഹോപകരണങ്ങള്, വസ്ത്രങ്ങള്, എന്നിവയാണ് ഇവര് കൂടുതലായി വാങ്ങുന്നത്.
വാര്ഷിക അംഗത്വ ഫീസായ 999 രൂപയ്ക്ക് പരിധിയില്ലാത്ത അതിവേഗ ഡെലിവറി, ഡിസ്കൗണ്ട് എന്നിവ ആമസോണ് പ്രൈമിലൂടെ ഉപഭോക്താക്കള്ക്ക് ലഭ്യമാക്കുന്നു. ആഗോളതലത്തില് ആമസോണ് പ്രൈമില് 10 കോടിയിലേറെ അംഗങ്ങളാണുള്ളത്. കേരളത്തിലെ 7,000 വില്പനക്കാരില് 2,000 വില്പനക്കാരും കൊച്ചിയില് നിന്ന് മാത്രമെന്ന് ആമസോണ് പ്രൈം മെമ്പര് ഗ്രോത്ത് ആന്ഡ് എന്ഗേജ്മെന്റ് മേധാവി സുബ്ബു പളനിയപ്പന് അറിയിച്ചു.