Tech

ആപ്പിള്‍ ഐപോഡ് ടച്ച് വീണ്ടും വിപണിയിലേക്ക്

നാല് വര്‍ഷത്തെ ഇടവേളയ്ക്ക് ശേഷം ആപ്പിള്‍ ഐപോഡ് ടച്ചിന്റെ പുതിയ പതിപ്പ് പുറത്തിറക്കി. മ്യൂസിക് പ്ലെയര്‍ ഉപകരണമായ ഐപോഡ് പരിഷ്‌കരിച്ച് 2001 ലാണ് ആപ്പിള്‍ ഐപോഡ് ടച്ച് പുറത്തിറക്കിയത്. സിം കാര്‍ഡ് ഇല്ലാതെ തന്നെ വൈഫെ ഹോട്ട്സ്പോട്ട് സംവിധാനം വഴി ഇന്റര്‍നെറ്റുമായി ബന്ധിപ്പിക്കാം എന്നതാണ് ഇതിന്റെ മുഖ്യ സവിശേഷത.

ഐഫോണിനു സമാനമായ ഐപോഡ് ടച്ചില്‍ ഫോണ്‍ചെയ്യാന്‍ മാത്രം കഴിയില്ല. പാട്ടുകളും ഗെയിമുകളും തുടങ്ങി എല്ലാ മള്‍ട്ടി മീഡിയ ഉള്ളടക്കങ്ങളും സേവനങ്ങളും ഐപോഡ് ടച്ചിലുണ്ട്. ഫേസ് ടൈം, ഓഗ്മെന്റ്ഡ് റിയാലിറ്റി എന്നിവയും പുതിയ പതിപ്പില്‍ അവതരിപ്പിച്ചിട്ടുണ്ട്.

കുറഞ്ഞ വിലയില്‍ മികച്ച പ്രവര്‍ത്തനക്ഷമതയുള്ള ഐഓഎസ് ഉപകരണമായിരിക്കും ഐപോഡ് ടച്ച് എന്നാണ് ആപ്പിള്‍ പ്രൊഡക്ട് മാര്‍ക്കറ്റിങ് വൈസ് പ്രസിഡന്റ് ഗ്രെഗ് ജോസ്വിയാക് പറഞ്ഞത്.

എട്ട് മെഗാപിക്സല്‍ റിയര്‍ ക്യാമറയും ഫേസ്ടൈം വീഡിയോ കോളിംഗിനായി 1.2 മെഗാപിക്സലിന്റെ സെല്‍ഫി ക്യാമറയുമാണ് നല്‍കിയിട്ടുള്ളത്. 32 ജിബി, 128 ജിബി, 256 ജിബി എന്നിങ്ങനെ സ്റ്റോറേജ് ശേഷിയില്‍ പുറത്തിറങ്ങുന്ന ഐപോഡിന് യഥാക്രമം 18,900, 28,900, 38,900 എന്നിങ്ങനെയാണ് വില.

ഈ മാസം തന്നെ ഐഫോണ്‍ ടച്ച് ഇന്ത്യന്‍ വിപണിയിലെത്താനാണ് സാധ്യത. 1136x 640 പിക്സല്‍ റെസല്യൂഷനിലുള്ള റെറ്റിന ഡിസ്‌പ്ലേയാണ് 7 ജനറേഷന്‍ ഐപോഡ് ടച്ചിന് ഉള്ളത്.

74 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close