കാർഡിഫ്: ലോകകപ്പ് ക്രിക്കറ്റിൽ ഇന്ന് രണ്ട് മത്സരങ്ങൾ. ഇംഗ്ളണ്ടും ബംഗ്ളാദേശും തമ്മിലാണ് ആദ്യ പോരാട്ടം. കാർഡിഫിൽ നടക്കുന്ന മത്സരം ഉച്ചകഴിഞ്ഞ് മൂന്നിന് തുടങ്ങും. ഓരോ മത്സരം ജയിക്കുകയും തോൽക്കുകയും ചെയ്ത ഇരു ടീമിനും രണ്ട് പോയിന്റാണ് സമ്പാദ്യം.
രണ്ടാം മത്സരത്തിൽ ന്യൂസിലൻഡും അഫ്ഗാനിസ്ഥാനും ഏറ്റുമുട്ടും. വൈകിട്ട് ആറിനാണ് മത്സരം തുടങ്ങുക. രണ്ട് മത്സരവും ജയിച്ച് ന്യൂസിലൻഡ് പോയിന്റ് പട്ടികയിൽ മുന്നിലാണ്. കളിച്ച രണ്ട് മത്സരവും തോറ്റ അഫ്ഗാൻ ഏറ്റവും പിന്നിലും.
ലോകകപ്പിൽ ഇന്നലത്തെ പാകിസ്ഥാൻ – ശ്രീലങ്ക മത്സരം മഴ മൂലം ഉപേക്ഷിച്ചു. മത്സരം ഉപേക്ഷിച്ചതിനാൽ രണ്ട് ടീമുകൾക്ക് ഓരോ പോയിന്റ് വീതം ലഭിക്കും.
