മാഞ്ചസ്റ്റർ: ലോകകപ്പ് ക്രിക്കറ്റിൽ ഇന്ത്യക്കെതിരെ പാകിസ്ഥാന് 337 റൺസ് വിജയലക്ഷ്യം. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ നിശ്ചിത ഓവറിൽ അഞ്ച് വിക്കറ്റ് നഷ്ടത്തിലാണ് 336 റൺസെടുത്തത്.
രോഹിത്തിന്റെ സെഞ്ച്വറി പ്രകടനവും രാഹുലിന്റെയും നായകൻ കോഹ്ലിയുടെയും അർദ്ധ സെഞ്ച്വറി പ്രകനവുമാണ് ഇന്ത്യക്ക് മികച്ച സ്കോർ സമ്മാനിച്ചത്. ഓപ്പണിംഗ് വിക്കറ്റിൽ രോഹിത്തും രാഹുലും ചേർന്ന് 136 റൺസാണ് കൂട്ടിച്ചേർത്തത്. രാഹുൽ 57 റൺസും രോഹിത് 140 റൺസുമെടുത്ത് പുറത്തായി.
പിന്നീടെത്തിയ കോഹ്ലിയും തകർത്തടിച്ചതോടെയാണ് ഇന്ത്യൻ സ്കോർ 300 കടന്നത്. കോഹ്ലി 65 പന്തിൽ 77 റൺസെടുത്തു. ഹർദ്ദിക് പാണ്ഡ്യ 26 റൺസെടുത്തപ്പോൾ ധോണി ഒരു റൺസെടുത്ത് പുറത്തായി.
പാകിസ്ഥാന് വേണ്ടി ആമിർ മൂന്ന് വിക്കറ്റുകൾ വീഴ്ത്തി.