ശിഖർ, നിങ്ങൾക്ക് രാജ്യത്തിനായി ഇനിയും ഒരുപാട് കാര്യങ്ങൾ ചെയ്യാനുണ്ട്: പ്രധാനമന്ത്രി

ന്യൂഡൽഹി: പരിക്കേറ്റ ഇന്ത്യൻ ഓപ്പണർ ശിഖർ ധവാൻ പരിക്കിൽ നിന്ന് മുക്തനായി എത്രയും വേഗം കളിക്കളത്തിലേക്ക് തിരിച്ചുവരട്ടെയെന്ന് ആശംസിച്ച പ്രധാനമന്ത്രി നരേന്ദ്ര മോദി. ലോകകപ്പ് ടീമിൽ നിന്ന് മടങ്ങുന്നുവെന്ന് അറിയിച്ച് ശിഖർ ധവാൻ തന്റെ ട്വിറ്ററിലിട്ട ട്വീറ്റിന് മറുപടിയായിട്ടാണ് പ്രധാനമന്ത്രി ഇക്കാര്യം പറഞ്ഞത്.

ക്രിക്കറ്റ് പിച്ച് ഇപ്പോൾ നിങ്ങളെ ഒരുപാട് മിസ് ചെയ്യുന്നുണ്ട്. പരിക്കിൽ നിന്ന് മുക്തനായി നിങ്ങൾ എത്രയും വേഗം കളിക്കളത്തിലേക്ക് മടങ്ങിയെത്തും. നിങ്ങൾക്ക് രാജ്യത്തിനായി ഇനിയും ഒരുപാട് കാര്യങ്ങൾ ചെയ്യാനുണ്ടെന്നും പ്രധാനമന്ത്രി ട്വീറ്റിൽ പറഞ്ഞു.

Dear @SDhawan25, no doubt the pitch will miss you but I hope you recover at the earliest so that you can once again be back on the field and contribute to more wins for the nation. https://t.co/SNFccgeXAo

— Narendra Modi (@narendramodi) June 20, 2019

ലോകകപ്പിൽ ഓസ്ട്രേലിയയ്‌ക്കെതിരായ മത്സരത്തിൽ പരിക്കേറ്റ ശിഖർ ധവാനെ കഴിഞ്ഞ ദിവസമായിരുന്നു ടീമിൽ നിന്ന് മടക്കി വിളിച്ചത്. ധവാന് പകരം വിക്കറ്റ് കീപ്പർ ബാറ്റ്സ്മാൻ ഋഷഭ് പന്തിനെ ടീമിൽ ഉൾപ്പെടുത്തി.