ലോർഡ്സ്: ലോകകപ്പിന്റെ 13-ാം എഡിഷൻ ഇന്ത്യയിൽ നടക്കും. 2023ൽ നടക്കുന്ന ലോകകപ്പ് പൂർണമായും ഇന്ത്യയിലാകും നടക്കും. ഇതാദ്യമായാണ് ലോകകപ്പ് പൂർണമായും ഇന്ത്യയിൽ നടക്കുന്നത്. ഇതിന് മുൻപ് മൂന്ന് ലോകകപ്പുകൾക്ക് ഇന്ത്യ ആതിഥേയത്വം പങ്കിട്ടിട്ടുണ്ട്. 1987ൽ ഇന്ത്യയും പാകിസ്ഥാനും 1996ൽ ഇന്ത്യയും ശ്രീലങ്കയും പാകിസ്ഥാനും 2011ൽ ഇന്ത്യയും ശ്രീലങ്കയും ബംഗ്ലാദേശും സംയുക്തമായാണ് ലോകകപ്പിന് ആതിഥേയരായത്.
2023 ഫെബ്രുവരി 9 മുതൽ മാർച്ച് 26 വരെയാകും ഈ ലോകകപ്പിലെ മത്സരങ്ങളെന്നാണ് പുറത്തുവരുന്ന റിപ്പോർട്ടുകൾ.
2019 ലോകകപ്പിന്റെ അതേ ഫോർമാറ്റിൽ തന്നെ 2023 ലോകകപ്പും നടത്താനാണ് ഐസിസി പദ്ധതിയിട്ടിരിക്കുന്നത്. റാങ്കിംഗിൽ ആദ്യ ഏഴ് സ്ഥാനങ്ങളിലുള്ള ടീമുകൾ ലോകകപ്പിന് യോഗ്യത നേടും. ഇവർക്കൊപ്പം ക്വാളിഫയർ മത്സരങ്ങളുടെ ഫൈനലിലെത്തുന്ന രണ്ട് ടീമുകളും ലോകകപ്പിനെത്തും. ആതിഥേയരായ ഇന്ത്യ ലോകകപ്പിന് നേരിട്ട് യോഗ്യത നേടും.
2021ലെ ചാംപ്യൻസ് ട്രോഫിക്കും ഇന്ത്യ വേദിയാകും.