മുംബൈ : ആഭ്യന്തര ക്രിക്കറ്റില്‍ പരിഷ്‌കാരങ്ങളുമായി ബിസിസിഐ രംഗത്ത്. രഞ്ജി ട്രോഫിയില്‍ ഡിസിഷന്‍ റിവ്യൂ സിസ്റ്റം ഉപയോഗിക്കാന്‍ തീരുമാനമായി. നോക്കൗട്ട് റൗണ്ട് മുതലായിരിക്കും ഡി ആര്‍ എസ് ഉപയോഗിക്കുക എന്നും ബിസിസിഐ വ്യക്തമാക്കിയിട്ടുണ്ട്.
പിഴവുകളും പരാതികളും പരമാവധി ഒഴിവാക്കുക എന്നതാണ് പുതിയ പരിഷ്‌കാരത്തിലൂടെ ലക്ഷ്യമിടുന്നത്. എന്നാല്‍ അന്താരാഷ്‌ട്ര ക്രിക്കറ്റില്‍ ഉപയോഗിക്കുന്ന അതേ രീതി ആയിരിക്കില്ല ഇവിടെ പിന്തുടരുക എന്നും ബിസിസിഐ സൂചിപ്പിക്കുന്നു.
അമ്പയര്‍മാരുടെ പിഴവ് കാരണം വന്‍ വിവാദത്തോടെയാണ് കഴിഞ്ഞ സീസണിലെ രഞ്ജി ട്രോഫി അവസാനിച്ചത്. കര്‍ണാടകയ്‌ക്കെതിരായ മല്‍സരത്തില്‍ വിദര്‍ഭതാരം ചേതേശ്വര്‍ പൂജാരയുമായുള്ള തര്‍ക്കം ഏറെ ചര്‍ച്ചകള്‍ക്കു വിധേയമായിരുന്നു. ഇത്തരം സാഹചര്യങ്ങള്‍ ഒഴിവാക്കുക എന്നതാണ് ബിസിസിഐയുടെ ലക്ഷ്യം.
രഞ്ജി ട്രോഫിയില്‍ ഡി ആര്‍ എസ് ഉപയോഗിക്കണമെന്ന ബിസിസിയുടെ നിര്‍ദേശം സുപ്രീംകോടതി നിയമിച്ച ഭരണ നിര്‍വഹണ സമിതി അംഗീകരിച്ചതിനെ തുടര്‍ന്നാണ് പരിഷ്‌കാര നിര്‍ദേശങ്ങളുമായ് ബിസിസിഐ രംഗത്തുവന്നിട്ടുള്ളത്.
