മുംബൈ: വെസ്റ്റ് ഇന്ഡീസ് പര്യടനത്തിനുള്ള ഇന്ത്യന് ക്രിക്കറ്റ് ടീമിനെ ഇന്നറിയാം.ഓഗസ്റ്റ് മൂന്നിനാണ് പരമ്പരയ്ക്ക് തുടക്കമാവുക. എം എസ് കെ പ്രസാദിന്റെ നേതൃത്വത്തിലുള്ള സെലക്ഷന് കമ്മിറ്റിയാണ് പ്രഖ്യാപനം നടത്തുന്നത്. മൂന്നു വീതം ട്വന്റി-20യും, ഏകദിനവും രണ്ടു ടെസ്റ്റും അടങ്ങിയ പരമ്പരയ്ക്കുള്ള ടീമുകളെയാണ് കമ്മിറ്റി പ്രഖ്യാപിക്കുക. അടുത്ത വര്ഷത്തെ ട്വന്റി-20 ലോകകപ്പ് മുന്നില് കണ്ടായിരിക്കും തിരഞ്ഞെടുപ്പ്.
എംഎസ് ധോണി പിന്മാറിയതിനാല് ഋഷഭ് പന്തിനായിരിക്കും വിക്കറ്റ് കീപ്പറുടെ ചുമതല. വൃദ്ധിമാന് സാഹ രണ്ടാം വിക്കറ്റ് കീപ്പറായേക്കും. എന്നാല് ടീം ക്യാപ്റ്റനെ സംബന്ധിച്ചുള്ള കാര്യങ്ങളില് ആശയകുഴപ്പം നിലനില്ക്കുന്നുണ്ട്.
പരിക്കുമൂലം വിശ്രമത്തിലുള്ള കോലി ഏകദിനത്തില് കളിക്കുമോ എന്നതിലും വ്യക്തത വന്നിട്ടില്ല.പരിക്കില് നിന്നും മോചിതരാവാത്ത ശിഖര് ധവാന്, പൃഥി ഷാ എന്നിവരും പരമ്പരയ്ക്കുണ്ടാവില്ല.
