മാഡ്രിഡ്: കോപ്പ അമേരിക്ക ഫുട്ബോള് ടൂര്ണമെന്റില് അതിരുവിട്ടെന്ന് ചൂണ്ടിക്കാട്ടി സൂപ്പര് താരം ലയണല് മെസിക്ക് വിലക്കും പിഴയും. 2022 ലോകകപ്പിനുള്ള ആദ്യ യോഗ്യതാ മത്സരത്തില് വിലക്കും ഒപ്പം ഒരു ലക്ഷം രൂപ പിഴയുമാണ് സൗത്ത് അമേരിക്കന് ഫുട്ബോള് ഫെഡറേഷന് മെസിക്ക് ശിക്ഷ വിധിച്ചത്. മെസിക്ക് അപ്പീലിനും അവസരം നിഷേധിച്ചിരിക്കുകയാണ്.
കോപ്പ അമേരിക്ക ഫുട്ബോളില് ചിലിക്കെതിരെ മൂന്നാം സ്ഥാനത്തിനായുള്ള മത്സരത്തിനിടെ മെസി ചുവപ്പ് കാര്ഡ് കണ്ട് ആദ്യ പകുതിയില് തന്നെ പുറത്തു പോയിരുന്നു. എന്നാല് റഫറിയുടെ നടപടിയേയും സംഘാടകരേയും വിമര്ശിച്ച് മെസി രംഗത്തെത്തി. കോപ്പ അമേരിക്ക ടൂര്ണമെന്റ് ബ്രസീലിന് കിരീടം നല്കാനായി നടത്തിയതാണെന്നാണ് മെസി അന്ന് പ്രതികരിച്ചത്.
2005-ല് രാജ്യാന്തര ഫുട്ബോളിലെ അരങ്ങേറ്റ മത്സരത്തിലാണ് ഇതിനു മുന്പ് മെസി ചുവപ്പു കാര്ഡ് കണ്ടത്. കോപ്പയിലേത് മെസിയുടെ കരിയറിലെ രണ്ടാമത്തെ ചുവപ്പ് കാര്ഡാണ്. ബാഴ്സലോണ ജഴ്സിയില് മെസിക്ക് ഒരു ചുവപ്പ് കാര്ഡ് പോലും ലഭിച്ചിട്ടില്ല.
