സോള്: ജപ്പാനും കൊറിയയും തമ്മിലുള്ള സാമ്പത്തിക യുദ്ധത്തില് സ്മാര്ട്ട് ഫോണ് നിര്മ്മാതാക്കള് പ്രതിസന്ധിയില്.ജപ്പാന് കൊണ്ടുവന്ന വ്യാപാര നിയന്ത്രണങ്ങളാണ് പുതിയ പ്രതിസന്ധിക്കു കാരണം. കയറ്റുമതിയിലൂടെ കൊറിയയില് എത്തുന്ന വസ്തുക്കള് ആയുധ നിര്മ്മാണത്തിനും സൈനിക ആവശ്യത്തിനും ഉപയോഗിക്കുന്നുവെന്നാണ് ജപ്പാന്റെ വാദം. കൂടാതെ ദക്ഷിണ കൊറിയയയ്ക്ക് ജപ്പാന് നല്കിയിരുന്ന മുന്ഗണന വ്യാപാര പങ്കാളിയെന്ന പദവി എടുത്തുകളഞ്ഞതും പ്രതിസന്ധിയിലാക്കി.
ദക്ഷിണ കൊറിയയിലേക്കുള്ള പ്രധാനപ്പെട്ട മൂന്ന് രാസവസ്തുക്കളുടെ കയറ്റുമതിക്കാണ് ജപ്പാന് നിയന്ത്രണം ഏര്പ്പെടുത്തിയത്. പുതിയ നിയന്ത്രണങ്ങള് ഓഗസ്റ്റ് 28 നു നിലവില് വരും. ചിപ്പുകള്, പരന്ന സ്ക്രീനുകള് തുടങ്ങി ടെക്നോളജി വ്യവസായത്തില് ഉപയോഗിക്കുന്ന നിര്ണായക ഘടകങ്ങളുടെ നിര്മാണത്തിന് ആവശ്യമായ രാസപദാര്ത്ഥങ്ങളുടെ കയറ്റുമതിയിലാണ് ജപ്പാന്റെ നിയന്ത്രണമുള്ളത്.
നിയന്ത്രണങ്ങള് വന്നതോടെ ആഗോളതലത്തിലുള്ള സെമി കണ്ടക്റ്റര് വ്യവസായത്തിന്റെ പ്രതിസന്ധി വര്ധിച്ചു. ഇത് സ്മാര്ട്ട് ഫോണുകള്ക്ക് വില കൂടുന്നതിനു കാരണമാകുമെന്നാണ് റിപ്പോര്ട്ടുകള്.
ലോകത്തുള്ള മെമ്മറി ചിപ്പില് മൂന്നില് രണ്ടും നിര്മിക്കുന്നതും ദക്ഷിണ കൊറിയയാണ്. സ്മാര്ട്ട് ഫോണുകള് മുതല് ഇന്റര്നെറ്റ് അധിഷ്ഠിത കാറുകളില് വരെ ഇത്തരം ചിപ്പുകളാണ് ഉപയോഗിക്കുന്നത്. ലോകോത്തര ടെക് ഭീമനായ ആപ്പിളടക്കം മെമ്മറി ചിപ്പുകള്ക്കായി ആശ്രയിക്കുന്നത് ദക്ഷിണ കൊറിയന് കമ്പനികളെയാണ്. ഇതോടെ സ്മാര്ട്ട ഫോണുകളുടെ നിര്മാണം, വികസനം,ഗവേഷണം തിടങ്ങിയ മേഖലകളില് വരും നാളില് പ്രതിസന്ധി രൂക്ഷമാകുമെന്നാണ് സൂചന.ജപ്പാന്-കൊറിയ പ്രതിസന്ധി തുടര്ന്നാല് ലോകത്താകമാനം ഈ പ്രശ്നം വ്യാപിച്ചേക്കും.
