Sports

ഗുസ്തി ഗോദയില്‍ ഒരു ഇന്ത്യന്‍ പ്രണയ കഥ; ബജ്‌രംഗ് പുനിയയും, സംഗീത ഫോഗോട്ടും വിവാഹിതരാകുന്നു

ന്യൂഡല്‍ഹി: ഗുസ്തി ഗോദയില്‍ വീണ്ടും ഒരു പ്രണയ സാഫല്യം. ഇന്ത്യന്‍ ഗുസ്തി താരങ്ങളായ ബജ്‌രംഗ് പുനിയയുടെയും സംഗീത ഫോഗോട്ടിന്റെയും പ്രണയമാണ് പൂവണിയുന്നത്. അടുത്ത വര്‍ഷം നടക്കുന്ന ടോക്കിയോ ഒളിംപിക്‌സിനു ശേഷമായിരിക്കും വിവാഹമെന്ന് ഇരുവരുടേയും കുടുംബാംഗങ്ങള്‍ അറിയിച്ചു.

നിലവില്‍ 65 കിലോഗ്രാം ഗുസ്തിയില്‍ ഒന്നാം റാങ്കുള്ള താരമാണ് ബജ് രംഗ്. ഒളിംപിക്‌സില്‍ ഇന്ത്യയുടെ മെഡല്‍ പ്രതീക്ഷയുള്ള താരമായ ഇദ്ദേഹം നിലവില്‍ അടുത്ത ഒളിംപിക്‌സ് മത്സരത്തിനായുള്ള തീവ്ര പരിശീലനത്തിലാണ്. കഴിഞ്ഞ വര്‍ഷം ഏഷ്യന്‍ ഗെയിംസിലും കോമണ്‍വെല്‍ത്ത് ഗെയിംസിലും സ്വര്‍ണ്ണം നേടിയിരുന്നു. സംഗീത 59 കിലോഗ്രാം വിഭാഗത്തില്‍ നിരവധി മെഡലുകള്‍ നേടിയിട്ടുണ്ട്.

ഇന്ത്യയുടെ ഗുസ്തി ഫാമിലിയായ ഫോഗോട്ട് കുടുംബത്തില്‍ നിന്നാണ് സംഗീത ഫോഗോട്ട്. രാജ്യാന്തര താരങ്ങളായ ബബിത ഫോഗോട്ട്, ഗീതാ ഫോഗോട്ട് എന്നിവരുടെ ഇളയ സഹോദരിയാണ് സംഗീത. സംഗീതയുടെ തീരുമാനത്തില്‍ സന്തോഷമുണ്ടെന്ന് പിതാവും ഗുസ്തി പരിശീലകനുമായ മഹാവീര്‍ സിങ് ഫോഗോട്ട് അറിയിച്ചു. പരുക്കിനെ തുടര്‍ന്ന് വിട്ടു നിന്ന സംഗീത നിലവില്‍ ദേശീയ ക്യാമ്പിലാണ്.

ദ്രോണാചാര്യ അവാര്‍ഡ് ജേതാവായ മഹാവീര്‍ സിങ്ങ് ഫോഗോട്ടിന്റെ ജീവിതത്തെ ആസ്പദമാക്കിയാണ് ആമിര്‍ ഖാന്‍ നായകനായ” ദംഗല്‍” എന്ന സിനിമ നിര്‍മ്മിച്ചത്. 2016-ലാണ് ദംഗല്‍ പുറത്തിറങ്ങിയത്. സംഗീതയുടെ സഹോദരി ഗീത ഫോഗോട്ടിന്റെ വിവാഹവും പ്രണയ വിവാഹമായിരുന്നു. ഗീത വിവാഹം കഴിച്ചത് ഗുസ്തി താരമായ പവന്‍ കുമാറിനെയാണ്.

113 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close