ലണ്ടന് : ഫുട്ബോള് പ്രീമിയര്ലീഗ് മത്സരങ്ങള് ഇന്ന് തുടങ്ങും.നിലവിലെ ചാമ്പ്യന്സ്ലീഗ് ജേതാക്കളായ ലിവര്പൂള് ആദ്യ ലീഗ് മാച്ചിനിറങ്ങുമ്പോള് എതിരാളികള് രണ്ടാം ഡിവിഷന് ചാമ്പ്യന്ഷിപ്പ് ജേതാക്കളായ നോര്വിച്ച് സിറ്റിയാണ്.നഷ്ടബോധത്തില് നിന്ന് വീറും വാശിയുമായി ലിവര്പൂള് ഇറങ്ങുമ്പോള് കഴിഞ്ഞ മൂന്ന് വര്ഷത്തിനിടെ നോര്വിച്ചിനിത് ആദ്യ പ്രീമിയര് ലീഗ് മത്സരമാണ്. ഇന്നു രാത്രി 12.30നാണ് ആദ്യ മത്സരം ആരംഭിക്കുന്നത്.
യര്ഗന് ക്ലോപ്പ് പരിശീലകനായിട്ടുള്ള ലിവര്പൂളില് ടീം ഘടനയില് മാറ്റങ്ങളില്ല.പ്രീസീസണിലെ മോശം പ്രകടനങ്ങള് ആവര്ത്തിക്കാതിരിക്കാനുള്ള തയ്യാറെടുപ്പിലാണ് ലിവര്പൂള്.
താരങ്ങളില് സാദിയോ മാനെ,ജെയിംസ് മില്ലര് എന്നിവര് ടീമിനൊപ്പം ചേരാത്തതിനാല് ഇന്നത്തെ മത്സരത്തിലിറങ്ങില്ല.പകരത്തിന് ഒറിഗയ്ക്കാണ് സാധ്യത കല്പ്പിക്കുന്നത്.
റോബര്ട്ടോ ഫിര്മിനോയും മുഹമ്മദ് സലയും കുന്തമുനയാകുന്ന പ്ലെ ഫോര്മാറ്റില് മധ്യനിരയില് നായകന് ജോര്ഡാന് ഹെന്ഡേഴ്സണ്,ഫാബീനിയോ,വിനാള്ഡം എന്നിവരിറങ്ങും.ആന്ഡ്രൂ റോബര്ട്ട്സണ്,വിര്ജിന് വാന്ഡേയ്ക്ക്,ജോ ഗോമസ്,അലക്സാണ്ടര് അര്നോള്ഡ് എന്നിവര് പ്രതിരോധ നിരകാക്കും.
ഒട്ടും മോശമല്ലാത്ത ടീമായ നോര്വ്വിച്ച് പ്രതീക്ഷയര്പ്പിച്ചിട്ടുള്ളത് ഫിന്ലാന്റിന്റെ തിമു പിക്കുവിലാണ്. സിമ്മര്മാന്,ക്ലോസേ,ടെറ്റീ,തോംസണ് എന്നിവര് പരിക്കിന്റെ പിടിയിലാണ്.ലോക ശ്രദ്ധയാകര്ഷിച്ച മാക്സ് ആറോണ്സ് ആദ്യ പ്രീമിയര് ലീഗ് മത്സരത്തിനിറങ്ങുകയാണ്.മധ്യനിരയില് മരിയോ റാന്സിക്, മക്ലീന് എന്നിവര് ഇറങ്ങും.പാട്രിക്ക്ര് റോബര്ട്ട് വലതു വിംഗില് കളിക്കും. ഹെര്ണാണ്ടസും സ്റ്റിപ്പര്മാനും സെന്റര്ഹാഫില് ഇറങ്ങും.
