ഗയാന: ഇന്ത്യക്കെതിരായ ടെസ്റ്റ് പരമ്പരക്കുള്ള 13 അംഗ വെസ്റ്റ് ഇന്ഡീസ് ടീമിനെ പ്രഖ്യാപിച്ചു. ഇന്ത്യക്കെതിരായ പരമ്പരയോടെ വിരമിക്കല് പ്രഖ്യാപിച്ച ക്രിസ് ഗെയിലിനെ ഒഴിവാക്കിയാണ് വിന്ഡീസ് ടീമിനെ പ്രഖ്യാപിച്ചിരിക്കുന്നത്. 26കാരനായ ഓഫ് സ്പിന്നര് റഖീം കോണ്വാളാണ് ടീമിലെ പുതുമഖം.
നേരത്തെ, ലോകകപ്പോടെ വിരമിക്കല് പ്രഖ്യാപിച്ചിരുന്ന ക്രിസ് ഗെയില് പിന്നീട് തീരുമാനം മാറ്റിയിരുന്നു. സ്വന്തം നാട്ടില് ഇന്ത്യക്കെതിരെ നടക്കുന്ന പരമ്പരയോടെ വിരമിക്കുമെന്നായിരുന്നു ക്രിസ് ഗെയില് അറിയിച്ചത്. എന്നാല് ഗെയിലിനെ ടീമില് ഉള്പ്പെടുത്താന് സെലക്ഷന് കമ്മിറ്റി തയ്യാറായില്ല.
വിന്ഡീസ് ടീം: ജേസണ് ഹോള്ഡര്(ക്യാപ്റ്റന്), ക്രെയ്ഗ് ബ്രാത്വെയ്റ്റ്, ഡാരെന് ബ്രാവോ, ഷമറ ബ്രൂക്സ്, ജോണ് കാംബെല്, റോസ്റ്റണ് ചെയ്സ്, റഖീം കോണ്വാള്, ഷെയ്ന് ഡോര്വിച്ച്, ഷാനന് ഗബ്രിയേല്, ഷിംറോണ് ഹെറ്റ്മെയര്, ഷായ് ഹോപ്പ്, കീമോ പോള്, കെമാര് റോച്ച്
ആന്റിഗ്വയില് ഓഗസ്റ്റ് 22നാണ് ആദ്യ മത്സരം. രണ്ട് മത്സരങ്ങളടങ്ങുന്ന പരമ്പര ടെസ്റ്റ് ചാംപ്യന്ഷിപ്പിന്റെ ഭാഗമാണ്.
