World

റിലയന്‍സ്-അരാംകോ കരാറില്‍ ഹൃദയം തകര്‍ന്ന് പാകിസ്ഥാന്‍; ട്വിറ്ററില്‍ പരാതി പ്രളയം

ഇസ്ലാമാബാദ്: സൗദി അരാംകോ റിലയന്‍സ് ഗ്രൂപ്പുമായി കൈകോര്‍ത്തതില്‍ ഹൃദയം തകര്‍ന്ന് പാകിസ്ഥാന്‍. ജമ്മുകശ്മീരില്‍ ഇന്ത്യയുടെ നിലപാടിനെതിരെ സൗദി ഉള്‍പ്പെടെയുള്ള വിദേശ രാജ്യങ്ങളുടെ പിന്തുണ തേടുന്ന പാകിസ്ഥാന് കനത്ത തിരിച്ചടിയാണ് ഇത് നല്‍കിയത്. ഇതിനെതിരെ പാക് മാധ്യമങ്ങളില്‍ ശക്തമായ വിമര്‍ശനങ്ങളാണ് ഉയരുന്നത്.

സൗദിയുടെ തീരുമാനം മോശമായിപോയെന്നാരോപിച്ച് നിരവധി പേര്‍ രംഗത്തെത്തി. സഹോദരങ്ങള്‍ ഒരിക്കലും പിന്നില്‍ നിന്ന് കുത്തുകയോ ശത്രുക്കളുമായി കൈകോര്‍ക്കുകയോ ഇല്ലെന്നും സൗദിയെക്കുറിച്ചോര്‍ത്ത് ലജ്ജ തോന്നുന്നുവെന്നും കരാറിനെക്കുറിച്ച് ഒരു പാക്ക് പൗരന്‍ ട്വീറ്റ് ചെയ്തു.

ഇന്ത്യന്‍ കമ്പനിയുമായി കരാറിലേര്‍പ്പെടുന്നതിനു മുന്‍പ് സൗദിക്ക് ഒന്നുകൂടി ആലോചിക്കാമായിരുന്നെന്നും ആര്‍ക്കും മതവികാരമോ സാഹോദര്യമോ ഇല്ല പകരം കച്ചവടം മാത്രമാണ് ലക്ഷ്യമെന്നും ചിലര്‍ ആരോപിച്ചു.

തിങ്കളാഴ്ചയാണ് അരാംകോയുമായി റിലയന്‍സ് ഗ്രൂപ്പ് കരാറില്‍ ഒപ്പുവെച്ചത്. റിലയന്‍സിന്റെ 20 ശതമാനം ഓഹരികള്‍ സൗദി അരാംകോയ്ക്കു വില്‍ക്കുകയാണെന്ന് കഴിഞ്ഞ ദിവമാണ് ചെയര്‍മാന്‍ മുകേഷ് അംബാനി പ്രഖ്യാപിച്ചത്.

റിലയന്‍സിന്റെ ഉടമസ്ഥതയിലുള്ള എണ്ണ ശുദ്ധീകരണശാലകള്‍ക്ക് അരാംകോ ദിവസം അഞ്ചുലക്ഷം ബാരല്‍ അസംസ്‌കൃത എണ്ണ നല്‍കുമെന്നും അദ്ദേഹം അറിയിച്ചു.

5K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close