Special

കൃത്രിമ സൂര്യനെ നിര്‍മ്മിക്കാനൊരുങ്ങി ശാസ്ത്രജ്ഞര്‍

കൃത്രിമ സൂര്യനെ നിര്‍മ്മിക്കാനൊരുങ്ങി ശാസ്ത്രജ്ഞര്‍. യു എസ്, റഷ്യ, ചൈന, ജപ്പാന്‍, യൂറോപ്യന്‍ യൂണിയന്‍, ദക്ഷിണ കൊറിയ എന്നീ രാജ്യങ്ങള്‍ പങ്കാളികളാകുന്ന കൃത്രിമ സൂര്യന്റെ ഭാഗങ്ങള്‍ ഇന്ത്യയിലായിരിക്കും നിര്‍മ്മിക്കുക. ഇന്റര്‍ നാഷണല്‍ തെര്‍മോ ന്യൂക്ലിയാര്‍ എക്‌സ്പിരിമെന്റല്‍ എന്ന പദ്ധതിയിലൂടെയാണ് കൃത്രിമ സൂര്യനെ നിര്‍മ്മിക്കുന്നത്. നൂറ്റാണ്ടിലെ തന്നെ ഏറ്റവും ചിലവേറിയ ശാസ്ത്ര പരീക്ഷണമാണിത്. 20 ബല്ല്യണ്‍ യൂറോയാണ് പദ്ധതിയുടെ ചിലവ്.

17,500 കോടി രൂപയാണ് പദ്ധതിയ്ക്കായി ഇന്ത്യ മുടക്കുന്നത്. പ്രധാനമന്ത്രി നരേന്ദ്രമോദിയുടെ ഫ്രാന്‍സ് സന്ദര്‍ശനത്തില്‍ പദ്ധതിയെ കുറിച്ച് ഫ്രഞ്ച് പ്രസിഡന്റ് ഇമ്മാനുവല്‍ മക്രോണുയുമായി ചര്‍ച്ച നടത്തിയിരുന്നു. ആദ്യമായാണ് ശാസ്ത്ര പരീക്ഷണത്തിനായി ഇന്ത്യ ഇത്രയും വലിയ തുക മുടക്കുന്നത്.

സൂര്യന്റെ മാതൃകയിലൂടെ ഊര്‍ജം നിര്‍മ്മിക്കുകയാണ് പരീക്ഷണത്തിന്റെ പ്രധാന ലക്ഷ്യം. 28,000 ടണ്‍ വരെ ഭാരമുള്ള കൃത്രിമ സൂര്യനില്‍ നിന്നും ഉയര്‍ന്ന ചൂടായിരിക്കും ഉയരുന്നത്. 150 ദശലക്ഷം സെല്‍ഷ്യസ് വരെ ഉയര്‍ന്ന ചൂടില്‍ പരീക്ഷണം നടക്കുമെന്നാണ് ലഭ്യമാകുന്ന സൂചനകള്‍. പരീക്ഷണം വിജയകരമായാല്‍ ഭൂമിയിലെ ഏറ്റവും ചൂടേറിയ ഭാഗമായിരിക്കും ഫ്രാന്‍സിലെ കൃത്രിമ സൂര്യന്‍.

കൃത്രിമ സൂര്യന്റെ താപം നിയന്ത്രിക്കുന്ന കവചമാണ് ഇന്ത്യയില്‍ നിര്‍മ്മിക്കുന്നത്. 3800 ടണ്‍ ആണ് കവചത്തിന്റെ ഭാരം. 2025 ഓടെ കൃത്രിമ സൂര്യന്‍ പ്രവര്‍ത്തിച്ചു തുടങ്ങുമെന്നാണ് പ്രതീക്ഷ. പദ്ധതി വിജയിച്ചാല്‍ 2040 ല്‍ കൃത്രിമ സൂര്യനില്‍ നിന്നും ഊര്‍ജം ഉല്‍പാദിപ്പിക്കാന്‍ കഴിയും.

689 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close