ബാസല്: സ്വിറ്റ്സര്ലന്ഡില് നടന്ന ബിഡബ്ല്യുഎഫ് ലോക പാരാ-ബാഡ്മിന്റണ് ചാംപ്യന്ഷിപ്പില് ഇന്ത്യയുടെ മാനസി നയന് ജോഷിക്ക് സ്വര്ണ്ണം. ഇതോടെ ടൂര്ണമെന്റില് ഇന്ത്യ 3 സ്വര്ണ്ണമുള്പ്പെടെ 12 മെഡലുകള് സ്വന്തമാക്കി. ടൂര്ണമെന്റിലെ മികച്ച പ്രകടനത്തില് പ്രധാനമന്ത്രി നരേന്ദ്ര മോദി പാരാ-ബാഡ്മിന്റണ് ടീമിന് അഭിനന്ദനമറിയിച്ചു.
മൂന്ന് തവണ ലോക ചാംപ്യനായിരുന്ന പാറുല് പാര്മറെയാണ് മാനസി കലാശപ്പോരാട്ടത്തില് അടിയറവു പറയിപ്പിച്ചത്. സാവധാനമാണ് മാനസി തുടങ്ങിയത്. ആദ്യ സെറ്റില് 2-7 എന്ന നിലയില് പിന്നിലായിരുന്നെങ്കിലും ആദ്യ ഗെയിം 21-12ന് മാനസി സ്വന്തമാക്കി. തൊട്ടടുത്ത ഗെയിമില് മാനസിയുടെ സമ്പൂര്ണ്ണ ആധിപത്യമാണ് കാണാനായത്. 21-7ന് രണ്ടാം സെറ്റ് പിടിച്ചെടുത്തതോടെ ഇന്ത്യയുടെ കായിക ചരിത്രത്തില് മാനസി ഇടം നേടിക്കഴിഞ്ഞിരുന്നു.
അതേ സമയം ലോക ബാഡ്മിന്റണ് ചാംപ്യന്ഷില് ഇന്ത്യയ്ക്ക് കന്നി സ്വര്ണമാണ് പി.വി.സിന്ധു കഴിഞ്ഞ ദിവസം നേടി കൊടുത്തത്. ജപ്പാന്റെ നൊസോമി ഒകുഹാരയെ എതിരില്ലാതെ രണ്ടു ഗെയിമുകള്ക്കു(21-7, 21-7) വീഴ്ത്തിയാണ് സിന്ധു കിരീടത്തില് മുത്തമിട്ടത്. 2017ല് ഇതേ എതിരാളിയോട് സിന്ധു പരാജയപ്പെട്ടിരുന്നു. സ്വര്ണ്ണ മെഡല് നേട്ടത്തില് പിവി സിന്ധുവിനെ അഭിനന്ദിച്ച് മാനസി ട്വീറ്റ് ചെയ്തിരുന്നു.
