ബ്രസല്സ്: യൂറോപ്പില് തങ്ങള് വിവേചനം നേരിടുന്നുണ്ടെന്ന വെളിപ്പെടുത്തലുമായി ബെല്ജിയം താരം റോമെലു ലുക്കാക്കു. ഇതിനെതിരെ പ്രതികരിക്കണമെന്ന് ലുക്കാക്കു പറഞ്ഞു. കഴിഞ്ഞ ഒരു മാസത്തിനിടെ നിരവധി താരങ്ങള് യൂറോപ്പില് വംശീയാധിക്ഷേപത്തിന് ഇരയായിട്ടുണ്ട്. ഇന്നലെ കൂടി താന് വിവേചനത്തിന് ഇരയായി. എന്നാല് ഇതിനെതിരെ പരാതി നല്കിയിട്ടും യാതൊരു വിധ നടപടിയും സ്വീകരിക്കാന് തയാറായിട്ടില്ലെന്നും ലുക്കാക്കു പറഞ്ഞു.
ഫുട്ബോള് ഏവര്ക്കും ആസ്വാദിക്കാനുള്ള മത്സരമാണ്. കളിയെ നശിപ്പിക്കുന്ന രീതിയില് താരങ്ങളെ കാണരുതെന്നും. ഫുട്ബോളിന്റെ മഹത്വം മനസിലാക്കണമെന്നും ലുക്കാക്കു പറഞ്ഞു. ഇത്തരം വിവേചനങ്ങള്ക്കതിരെ പ്രതികരിക്കാന് ഫുഡ്ബോള് ഫെഡറേഷനുകള് തയാറാകണമെന്നും ലുക്കാകു അഭിപ്രായപ്പെട്ടു.
മത്സരത്തിനിടെ നടന്ന പെനാല്റ്റി ഷൂട്ടൗട്ടില് ലുക്കാക്ക ഗോള് നേടിയിരുന്നു. കളിക്കിടെയാണ് എതിര് ടീമായ കാഗിലേരിയെ പിന്തുണയ്ക്കുന്ന കാണികളുടെ ഭാഗത്ത് നിന്നാണ് ലുക്കാക്കയ്ക്കെതിരെ അധിക്ഷേപം ഉണ്ടായത്. അതേസമയം, ഇറ്റാലിയന് ഫുട്ബോള് ഫെഡറേഷന് പ്രസിഡന്റ് ഗബ്രിയേല് ഗ്രാവിനിയ ലുക്കാക്കെ പിന്തുണച്ച് രംഗത്തെത്തി. ലുക്കാക്ക ഉയര്ത്തുന്നത് ഗുരുതരമായ ആരോപണമാണെന്ന് അദ്ദേഹം അഭിപ്രായപ്പെട്ടു.