തിരുവനന്തപുരം: ഇന്ന് അന്താരാഷ്ട്ര സാക്ഷരതാ ദിനം. വിദ്യാഭ്യാസത്തിന്റെ പ്രധാന്യം വര്ധിപ്പിക്കുക എന്ന ലക്ം മുന് നിര്ത്തിയാണ് ഈ ദിനം അന്താരാഷ്ട്ര സാക്ഷരതാ ദിനമായി ആചരിക്കുന്നത്. 1996 മുതലാണ് യുനെസ്കോ സെപ്തംബര് 8 സാക്ഷരതാ ദിനമായി ആചരിക്കാന് തുടങ്ങിയത്.
എല്ലാവര്ക്കും വിദ്യാഭ്യാസത്തിന് അവസരമൊരുക്കുക എന്ന ലക്ഷ്യത്തോടെ 1965 ല് ചേര്ന്ന ഇറാനിലെ വിദ്യാഭ്യാസ മന്ത്രിമാരുടെ ആഗോള യോഗത്തിലാണ് സാക്ഷരതാ ദിനം എന്ന ആശയം ഉടലെടുത്തത്. സാക്ഷരത പ്രോല്സാഹിപ്പിക്കുക, ഗുണമേന്മയുള്ള വിദ്യാഭ്യാസത്തിന് അവസരമൊരുക്കുക എന്നതാണ് സാക്ഷരതാ ദിനത്തിന്റെ ലക്ഷ്യം. സാക്ഷരതയും ഭാഷാ ബഹുസ്വരതയുമാണ് ഈ വര്ഷത്തെ സാക്ഷരതാ ദിന പ്രമേയം.
വിദ്യാഭ്യാസം നേടിയാല് മാത്രമെ ഏതൊരു വ്യക്തിയ്ക്കും ജീവിത വിജയം കൈവരിക്കാന് കഴിയൂ. വിദ്യാഭ്യാസമുള്ള ജനതയിലൂടെ മാത്രമെ രാഷ്ട്രത്തിന്റെ ഐശ്വര്യവും സമൃദ്ധിയും വര്ധിക്കുകയുള്ളു. സമൂഹത്തില് ശരിയായ കാഴ്ച്ചപ്പാട് സൃഷ്ടിക്കുന്നതിലും വിദ്യാഭ്യാസത്തിന്റെ പങ്ക് വളരെ വലുതാണ്.
സമൂഹത്തിന്റെ നന്മയ്ക്കും ക്ഷേമത്തിനും വേണ്ടി വിദ്യാഭ്യാസമുള്ള ഒരു ജനതയെ വാര്ത്തെടുക്കാന് നമുക്ക് ഓരോരുത്തര്ക്കും പരിശ്രമിക്കാം.
